هنا

[Nazkul]

نزورك وندعي نريد
العوده يمك سيدي
مو نزور امن بعيد
تحت گبتك مقصدي



صلو خل ندعي بمحرم
كون مفتوح الدرب
گبل ايد ابإيد نمشي
هسه لا گلب بگلب
السوّه مجلس على الساتر
يوگف بوجه الصعب
حسين مو كل مره تبقه
وحدك بوسط الحرب

مو تدري موضوعي
عافيتي بدموعي
بكل صوتي آه يحسين
من فدوه لاسمك
بكل خطوه الك موكب
لو ناعي لو يكتب
شيبنا بس أطفال تلگانه يمك

احنه الحالفين براية العباس
ابد مانخلف وياكم
احنه الرايحين دموع ويه الناس
وبكل عين شفناكم


نركض ويركض دمعنه
وين المودع الصبر
فرق بين الجاي عاشگ
عن اليدور الأجر
انثوب احنه شصح بدينه

حتى نطبخله العمر
وتربتك ببيوت اهلنه
ثار واذان ونصر

لو خلصت أيامي
توصلّك الآمي
تلگاني بالتابوت
ويدي اعله صدري
يلطم هوى شراعي
ونشغة بچي بگاعي
صح نبچي يم الناس بس إنته تدري

الباچي بمجلسك ومخمس الدمعات
الزهره تسجّله حاضر
زكاة چفوفنه من نرفع الرايات
بطويريج بالعاشر



كلمات: فاضل حسن
أداء والحان: علي الدلفي

تدوين: بـراءة

['ڪُحلــَـْہ‌‍]

يسلموو حبي

[Aya']

شكرا جزيلا

[❤أميٰـر الہٰغـروبٰٰ❤]

روووعه استمري ياطيبه