جنت ناذر روحي قربان لحضرتك.!
السجج من عندي ملت من كثر ماناطرك.!
اكسرت خاطر چم محطة شوكت اكسر خاطرك.؟؟
وجهي سومر والشمس شربت حلاتي
وباگت العشرين مني وهم گلتلك عاذرتك.!
وتذكريـتك
بكل وعد خطيتة الية..
وضحكتني انة اعلى روحي
مثل سكران وعفتني.. وانت تدري."
ضحكة السكران جذبة
وذنب كافر حملتني.!!
اودعيــتك
من شفت روحي رخيص بعين چانت تشرب عيوني وحلاتي.!
روحي جانت ورقة بيدك ياحسافة بلا ضمير وشگگتني.!!
جنت ناذر روحي قربان لحضرتك.!
نعمة بيدك بس "دستني"
والسواجي الخضرت من دمعي بيدر
اطشرت بس ما شفتني!؟
وشربت البيبان روحي وثملت بآخر صده
من الصوت يجزي !؟
انت اذا تدري بنهايتنة الم ودموع وتجافي.!
اذن ليش.. من الاول دللـتني.؟!
اذن ليش.. اعلى عطرك عودتني؟!
اذن ليش.. بغصن روحك علگتني؟!
وتالي ماتالي عفتني مناطرك.!!
اني ماسامح بعد" الله يسامحك "
زهور كاظم
رد مع اقتباس
