هوسات / لمولد الامام المهدي ( عج )
..................................
..................
بْنصف شعبان يم ّ حسين لمّتنه
وْنِزفّ اجمل تهاني وْياهه بيعتنه
لبو صالح ولينه وْ بيه فرحتنه
الليله نْبارك جدّه وْ هادينه
..............
نِهني العسكري وْنرفع تهانينه
لبو القاسم وابو الحسنين والينه
بْفرح ميلادك النوّر ليالينه
يالمهدي مْنور دنيانه
..............
عله عْناد النواصب خل يسمعون
يظل دايم فرحنه شْما يعملون
نصف شعبان عيد وْمولدِ الميمون
والباري مْبارك مولوده
..............
وعد من ربنه للمهدي القياده
امان يصير بالدنيه وْسعاده
امل كل شيعي هذا واعتقاده
كل ظالم يهدم بنيانه
...................
يمهدي الليله يم جدك نهنيك
بمقام حسين والينه نحييك
وْدعينه الله ذخر النه يخلّيك
ادركنه بسيفك نجّينه
...........................................
...........................................
خادم اهل البيت (ع )
الشاعر سعيد الفتلاوي الطويرجاوي
رد مع اقتباس