لون عيونه ماي
تمطر…
ال دنيا
اعله…كلشي
گبالك
وكلشي….يتبلل
يرتوي
ال خاصرته ماي
ال شعره
لون عيونه ماي
الفوگ منه
الجوه منه يسيح ماي
وانته
گبل سنين
مستاهد
ندى من بعيد
حيل بعيد مدري ابيش……جاسك
انته
ضايع…
تغبش
ادور….رصيف
بلكن
تلاكي رصيف
يلم…….غربتك
تغبش
وتلگه ازدحام
تلگه
ملتمه الشوارع
والدرابين وتعبها
تلگه ميتين
ودكاكين…
وسچاچين…. ب غرفتك
تلگه
مدري
شلون…ناس
بلا ملامح
لونهم…من غير لون
تخاف
حيل
تخاف… كلش
خاف
مابيهم عرف
ينده عليك
تضحك هواي
اعله…..روحك
تبچي
نوبات اعله روحك
تبچي….. من ماتلگه……ناسك
تركض
ادور اعله راسك
وانته
مدري شلون ضايع
انته
مدري منين ضايع
من…اديك
من شكو
ابنادم غريب
يـخم……عليك
من…غرفتك
من ضحكتك…
وانـته….ضـايع
مدري
شنهو يطيح
كل شويه…منك
ماتعرفه
ولو تعرفه
تـميزه…..فـنك
وانته ضايع
حيل
مدري منين ضايع
تبتسم
من تلگه راسك
تلتفت ما تلگه….اديك
تبتسم
من تلگه….اديك….يضيع…. راسك…!!!!!!
محمد لفته العماري
رد مع اقتباس
