وكليجة سلف تفتر علينه,,, حسين الساعدي
جان العيد عيد ايلم الارحام!!
///
تاخذنه المحنه / الذيج الايام
وبعد هيهات // ما ترجع علينه,
.
حسبالك حلم / مر مثل الاحلام
انتظرناها / تجينه // وما تجينه!
.
عله شوفة أهلنه /الهسه محتام
ليش اهل المحنه/ اكطعوا بينه!
.
ضلت ذكريات/ اجيب الالام,,
خلت حسره/ بالروح الحزينه,
.
مدري اشأخرانه / وجنه كدام!
وعلى واقعنا هسه /// اتندمينه!
.
نذبها اعله الزمن/ والدنيا ظلام!
ولا جن الجرى ///كله امندينه!
.
جان العيد عيد/ ايلم الارحام..
وكليجة سلف/// تفتر علينه!
.
الناس امكاطع /وحسبالك أصنام,,
ابحجة ضروف .. الماهي زينه!
.
جان الملح من /أركان الاسلام
الضاك الزاد/ ميشيل الضغينه,,
.
صاير ما يعثر /ذيج الاجدام ,,
ضاعت حوبته/// واحنه انولينه
.
الملح فاهي صفه /وما ظنه ينلام
لأن شافانه احنه //اتموصخينه!
لأن شافانه احنه //اتموصخينه!
حسين االساعدي
رد مع اقتباس
المشاركة الأصلية كتبت بواسطة Aya'
