هنا

[فقار الكرخي]

كلشي يوجعنه بغيابك
حتى عتبة بابنـه!!

حتى گطرات الندى!!
بحضن الورد..
وترابنـه"
وكل درب ودانه ليك وجابنـه..

لسه ضجة ضحكتك تملي الدرابين القديمه..
لسه كل مسعد يذكرك..
تنچفي بروحه السوالف يا حريمه!

المثلك يسمونه ذكرى شگد هظيمة

انت وحدك..
عايف بكل گلب غصة ..
كل وجع بالروح الك من عنده حصه..
درس چنت..
وگبل مايبدي الدرس دگت الفرصه..

توه خضر عودك ..
وبگلوب ناسك خضرت يحديث نچله..
حملت سنبلة روحك ..
مادرينه
شما تحمل سنبله بعين المناجل موت تحله..
اي يـ رايح
كحلينه عيوننه بريحان طولك..
ثاري حزن العين كحله..





سمر الخالصي

[صفاء العامري]

شكرا فقار

[خالدالسعد]

جميل

[فقار الكرخي]

منورين

[صادق الساعدي]

سلمت الانامل.. عاشت الايادي

[الطائر الحر]

صح لسانك

دوم التميز يا مبدع
تحياتي