هنا

[سونه ~]

والله ما اعرف منين جبتوها هالسالفة.. بس ليش يعني هالمقارنة وشمعنى تقبل هذا الفقر وماتقبل ذاك!!

[❤أميٰـر الہٰغـروبٰٰ❤]

المال ما يجيب السعاده
الفقر مو عيب
العيب المايشغل بحجه الفقر
والله اعرف ناس فقره وعايشه عيشه الامراء
من تدخللهم ميحسسوك بالفقر مستحيل
واعرف ناس الله ناعم عليهم من اوسع ابوابه ومن تتواجد وياهم تشوفهم يمثلون الفقر وبخلاء لدرجه متتصور
اكو مثل يكول
لاتطلب الخير من بطون جاعت ثم اكلت
واطلب الخير من بطون اكلت ثم جاعت


مخلص الحجي
القاعه كنز لا يغنى
اليعيش بفقر تدور عنى واليعيش بغنى هم يدور غنى
الطرفين مو فقط البنت الولد كذالك
الولد اذا جان غني ثق بربك ميريد بنيه فقيره يريد وحده مثل مستواه

هلا زهوره الورده اسعدني مرورج عطرتي الموضوع بحضورج...كلامج حلو وصريح وفعلا القناعه كنز لا يفنى عجبني نقاشج تستحقين اتكونين محاميه هههه
يوم التخرج ونفرح بيج

[❤أميٰـر الہٰغـروبٰٰ❤]

اول شيء الاول مو باختيارها مفروض عليها و متكدر تبدلة الثاني مثل ما تفضلوا قبلي شيء إختياري تكدر ما تختارة
و كل البشر بهالعالم تتمنى تكون ماديتها زينة يعني حتى لو تقبلت فقر ابيها هم تتمنى يتغير
اما عن الكلام العام كما نعرف انو المال مو سعادة و الحب يفوق هالشيء اهواي بنات يزوجن ناس اقل من مستواهن المادي و يتعايشن مع الوضع لان هناا يحبن شريكهن و هذا باختيارهن
اما لو اطرقنا لموضوع من زواية اوسع الافضل نكول تقبل او عدم تقبل الزوجة لفقر زوجها بعد الزواج اهناا المسألة تختلف تدريجياً و اصعب و اهناا حرب حتكون و منو يتحمل اللاخ و المسولية و يبقى ثابت فهذا اصعب

شكرا فطومه حبيت نقاشج ركزتي على نقاط كلش مهمه صحيح هواي بنات اتزوجن اقل من مستواهن وهن يصرفن علبيت وعايشين احله عيشه
نورتي فطومه الغاليه

[❤أميٰـر الہٰغـروبٰٰ❤]

اقره رده وتعرف ليش ضحكت

اي قريت جان كلامه للملاطفه في بداية النقاش وبحرگه هههه
لظوجين ورده جنت اشاقه وياج لتكونين حساسه

[❤أميٰـر الہٰغـروبٰٰ❤]

الاول واقع حال انفرض عليها وعلى اخوتها وراح تكون مقدره انه الاب يصرف على عائلة كاملة هي واخوتها ووالدتها ضمن المستطاع وبما يضمن لهم حياة كريمة وبسيطة فتكون قانعة نوعا ما متقبله لواقع الحال اللي انفرض عليها ، والثاني الرغبة في عدم استمرار واقع الحال هذا سيما انها انتقلت من العائلة الى الشريك فتسعى ان تكون معه بافضل حال خصوصا وانه هدفها القادم تكوين عائلة ومن حقها ان تطمح لمستقبل افضل لها ولأولادها ..
هو طموح ليس الا يعني الموضوع مو قطعا انه ماتتقبل فقر الزوج لكنها تسعى للتغيير..
شكرا سمو الامير

شكرا جزيلا ست سوزان الغاليه اول شي احب ارحب بيج وبطلتج الاكثر من رائعه
وكلامج فعلا منطقي ومقنع ومن حق اي زوجه تبحث عن التغيير وتكون احسن عائله بين صديقاتها والمجتمع لكن اكيد اذا هذا الطموح فاق عن حده وتحول الى كابوس بلبيت راح يصبح سبب في انهيار العائله...شكرا ست سوزان مره ثانيه نورتي يا غاليه

[❤أميٰـر الہٰغـروبٰٰ❤]

والله ما اعرف منين جبتوها هالسالفة.. بس ليش يعني هالمقارنة وشمعنى تقبل هذا الفقر وماتقبل ذاك!!

هههههه قصفتني هاي البنيه ياجماعه هاي منو يعرفها دلوني على بيتهم اريد اخذ فصل

[❤أميٰـر الہٰغـروبٰٰ❤]

من الاخير الزواج اذا كان مبدئه الحب والاحترام لاتفكر المرأه بهذه الجزئيات ابداً
لكن هناك من يجبر المرأه على هذا الامور
فقر الحال شيء طبيعي يمر فيه كل افراد المجتمع والا بقينا بهذه الاشياء
لا امرأه غنية ستتزوج ولا رجل فقير سيستزوج ايضاَ
اعرف الكثير من الشباب زوجاتهم موظفات وهم كاعدين بالبيت ماعندهم شغل
ومكونين عائلة وعايشين بافضل حال

شكرا ياغالي
كلامك كلش حلو وختصرت الموضوع بسطرين
ربي يسعد قلبك
نوورت الموضوع بحضورك العطر

[❤أميٰـر الہٰغـروبٰٰ❤]

ماكو ثوابت الأن اعتقد الأنشاء أصبح مزحه وهناك كثيرا ماتشذ القاعده...طرق التفكير المختلفه لدى النسوه تتشابه في عوالم الماده نظرا للأحتياج والرغبه ومن الشائع تنافر الأقطاب المتشابهه فالغنى والفقر نتيجه للكسب اما حالة المتعه بالثراء وارده لكل انسان يعيش في محيط ذاته ولا ينظر خارجها

اصبت كلامك كلش منطقي وعجبني الاسلوب مع تمام الفكره
شكرا استاذ نورت الموضوع بحضورك المميز

[❤أميٰـر الہٰغـروبٰٰ❤]

شكرا جزيلا لكل من شاركنا رأيه ووجهة نضره في هذا الموضوع اتمنى لكم حياة زوجيه سعيده وحياة كريمه وسعة في الرزق انتم ومن تحبون
الى هنا نكتفي بهذا القدر من النقاش كي لا يكون ممل
اتمنى لكم دوام الصحة ولعافيه ودمتم بأمان الله وحفظه