هنا

[ارجع يازمان]

كالولي راح انشيل ليهمك النوح
مَطَول انته اسبوع للمقبره اتروح!
االساعدي

اشلون أصد للدار لمن تشيلون؟
اعتابي راح ايصير بدموع العيون!!
االساعدي

الدمع جن تيزاب وتذبه العيون,,
راح احرك القطاع لوما يمرون!!
حسين االساعدي

كالولي بيك الشيب ,, شو صاير اهواي؟؟
كلتلهم انجنيت ,, من هاجر اهواي!!
االساعدي

كالولي دمعك ليش؟ صرخاته بالعين؟؟
كلتلهم امن اهواي ماشفته يومين!!
االساعدي

كالولي وين اتريد___ كتلهم اهواي
راح وبعد متفيد ___ بغيابه دنياي!!
االساعدي

تركض عليك الدار __ لو يمنه مريت,,
باسمك كتبنه اشعار _ بس انته ما اجيت!!
االساعدي

جيراني جان اهواي ومريح الافكار
شال وبعد هالروح مارادت الدار!
االساعدي

كالولي ولفك وين؟ كتلهم وياي ..
وتغامزوا شمات,, وانته افهم ابهاي!!
االساعدي

بعد الولف ما شال مهجومه يادار
بس الدموع اليوم ضلتلي تذكار!
االساعدي

شالوا وكلبي انشال حودر وراهم
خانكته ونة شوك رايد هواهم!
االساعدي

كالتلي راح انشيل,, كتلها واحنه؟
كالتلي طبكم طوب,موتوا ابجرحنه!
االساعدي

من شالوا الهل يوم ما لافي للبيت
عنهم أدور اخبار , واشكد تأذيت!
االساعدي

داري اعله داره اليوم يشمرله ونه ,
من رادوا ايشيلون جيرانه عنه!!
االساعدي

لموا غراض البيت وهتموا ابساع
اعيوني راح اطيح بدموع الوداع!!
االساعدي

الشمس ظلمه اليوم مدري شجاها!!
عالشالوا امن العين,, شالوا ضواها!!
االساعدي

يل شلتوا عنا ابعيد ما كِلتوا بينه؟
احنه القربكم دار عود اشترينه!!
االساعدي

رحت وسئلت الدار وين البناها؟
لتصدك ايرجعون جاوب صداها!!
االساعدي

رحت وسئلت الدار جا وين الاعزاز؟
كالت خذاهم يوم من يمي جناز!!

يوميه امر عالدار بدموع العتاب
تاخذني روحي اتريد ذكره امن الاحباب!
حسين االساعدي

[Haidar Iraq]

رائع ..

[Haidar Iraq]

گالتلي راح انشيل ، گتلهه وآنه ..؟؟؟
گالتلي شد اوزار والطم ورانه ..

[صادق الساعدي]

عاشت الايادي ابن عمي

[،،،،،،،،،]

شكرا جزيلاً لك

[المستشار القانوني]

شكرا.. جزيلا... لك