هنا

[بلاسِمُ الأدب]

قصيدة: #زيارة_الأربعين

#يا_حسين_عليك_السلام

چنی اسمع صوت من وادی الطفوف
حــــسین للــــزوار فــــتــــح بوبــــه

وزارع انصاره اعله كل نقطة حدود
وتــــذكره ابــــاسم اليطب مكتوبه

وفارش السفره عله كبر العراق
والصوانـــي امتلتله ومصبوبه

خيمه يم خيمه ومضيف ابصف مضيف
والــــدلال امــــخــــدره ومــــنــــصوبه

هــــله بلزاير هله ايصيح العراق
وملگه محبوب ابحظن محبوبه

جفن مفروش وجفن تلگا غطاک
ومــــلتک مــــن وین مومطلوبه

وچای ابولسجاد والگیمر یصیح
وخبز حــــار اتریگــــک الحبوبه

وگلو للزایر یجی وکلشی ابلاش
عیب یــــدفع فلس من اجیوبه

الیجی من النجف یتلگا علي
علي بوب الجنه كلهن صوبه

اليجي من الحله بلقاسم يطوف
الــــرضا والكاظم تعزب ادروبه

وبوفاضل عله گنطرة السلام
يروي ماي الغيره من احبوبه

المذنب اعله الباب راح ايلاگی جون
ایــــفرق ابصــــطل الــــزباله اذنوبه

#عــــزيــــــز_الــفــيــ ـصــلــي

[عليـﮯ]

يستاهلون زوار ابو علي

شكرا لك

[خالدالسعد]

احسنت النشر قصيدة رائعة