هنا

[المستشار القانوني]

ضيعنه النشد
....................................
باليه احبال الوفه بهذا الزمان...
لاتأمن لو ردت بيهه تشد...
جنب ومرطوب جانت بيهه امان...
اليوم من نسمة هوه بوجهك ترد...
ياحسافه ابنادم تغير اهواي..
الصوج بينه وسفه ضيعنه النشد...
النيه عدنه ماصفت لاعدنه راي..
دوم عن درب العدل هم نبتعد...
اليوم صار الاخو مايرحم اخوه..
يمكن الطعناته حاضر مستعد..
صلة الارحام مفروضه عليك..
وانته تكطعهه حسافه وتعتمد..
الجار بالاسلام اله اعظم مكان..
وانته باب الوفه الجيرانك تسد..
يمته ناخذ عبره ما ان الاوان..
غفله بنيادم يروح ويبتعد..
وعلسراط اهناك من يوكف اكيد..
حته عن حبة الخردل ينشد..
اصحه ياصاحبي بلدنيه دروس..
مايظل سيد ولايبقه عبد....
................................
م.

[Haidar Iraq]

حلو ..

[المستشار القانوني]

حلو ..

الاحلى مرورك العطر.... أبو كرار الورد...

[عليـﮯ]

بالفعل الناس هواي تغيرت
شكرا لانتقاءك الجميل