هنا

[Haidar Iraq]

صباح الورد ..



_____________________________________
الدُرر شنهي اشبيه مايفتح ابساع ..
بس لاطلع محسود حَط عينه نعناع ..

الدُرر شنهي اشبيه مايفتح ابساع ..
راح الزم انه الروح والزگهه بالگاع ..

الدُرر شنهي اشبيه مايفتح ابساع ..
شبت النار اوياي مابين الأضلاع ..

الدُرر شنهي اشبيه مايفتح ابساع ..
حانت گلت وياه لحظات الأوداع ..

الدُرر شنهي اشبيه مايفتح ابساع ..
فهموني شنهي الصار ماهيّ الأوضاع ..

الدُرر شنهي اشبيه مايفتح ابساع ..
عالحرگه هاي اليوم راح اشتري اكراع ..

الدُرر شنهي اشبيه مايفتح ابساع ..
فوگ الحراره انوب صابتني الأوجاع ..

الدُرر شنهي اشبيه مايفتح ابساع ..
اووووف انحسد ياناس من كثر الإبداع ..

الدُرر شنهي اشبيه مايفتح ابساع ..
حَط عينه ياهو اعليه لو مَدلَه الإذراع ..

الدُرر شنهي اشبيه مايفتح ابساع ..
تَردونه يفشل ليش يا اهل الأطماع ..

3 تموز 2021 ..

[الملاذ الاخير]

ههههه عاشو حيدر
حط عينه الواسطي عليه

[Haidar Iraq]

ههههه عاشو حيدر
حط عينه الواسطي عليه

اي ، علاوي عينه تكتل ..

نورت ..

[Suzana]

قصيدة معبره عن الصدمة الصباحية

[علي الواسطي]

عودة ميمونة ميمونة منو

[Haidar Iraq]

قصيدة معبره عن الصدمة الصباحية

نورتِ ..

[Haidar Iraq]

عودة ميمونة ميمونة منو

ميمونه اخت ليمونه ..

نورت ..

[علي الواسطي]

ههههه عاشو حيدر
حط عينه الواسطي عليه

اني شعلية
حسبالي بس يمي مايفتح

[Haidar Iraq]

اني شعلية
حسبالي بس يمي مايفتح

[الرميثي]

الدُرر شنهي اشبيه مايفتح ابساع ؟؟
انة من افتحه دوم تطلعلي الانواع
الدُرر شنهي اشبيه مايفتح ابساع ؟؟
انة من افتحه اليوم يطلعلي الابداع