طافح لاتجي
,,,,,,,,,,,,,
الليل شما يطوٌل مايظل دوم,,
ومن تطلع شمس
هم لازم تزول,,
ومحصور العمر مابين الاثنين,,
وعمر بنادم
شما صار مجهول,,
تاكلنه الليالي شهور وسنين,,
وكل البشر فاني
تجرفه ال سيول,,
بس وينه الحليم اليحسب احساب,,
خل تصفن يعمي
هاي ال عقول,,
لتأمن الدنيه التغدر ابساع,,
انظر جم عليل
الباقي مشلول,,
وباوع جم عمر مخروم كل يوم,,
لو حادث دهس
لو هذا مكتول,,
وتهل دمعتك بفراكً ال عزاز,,
توٌدع باجر
اشما عمرك يطول,,
محطات العمر؟ والريل حداي,,
وفراكينه يصاح
اتصول واتجول,,
واجب تستعد واتحذر اهواي,,
طافح لاتجي
لا امشي معقول,,
,,,,,,,,,,,,,,,,,,,,,,,,,,,,,,
م.
رد مع اقتباس
