كلامي حقيقي والموعاجبه لا يعلق,,حسين االساعدي
يمكن البرزخ اجانه
خوف
والأأأأأأم وكأبه
جنه مو عالم الدنيا
كلمن احتار ابحسابه
ماكو راحه
واستراحه
ومحد ايخفف عذابه!
لا وجاهه
ولاسماحه
ضاعو ابنص الضبابه!
انكشف وجه
الصراحه
وبعد ماضلت غرابه!
جنها برزخ ماهي دنيا
ابلا أمان الدنيا غابه,
وادم المابيها رحمه
اتحولوا صاروا ذيابه!
الدنيا زله وما تنفعك
لا عشيره ولا كرابه!!
كلها محتاره بأمرها
وهمه أسباب الطلابه!
لو يرد بينه مُحمد
هم نسولف باغتيابه!
بعد متصير النه جاره
ابكل حزب عدنه عصابه!
مابقه الشيطان لمن
خذنه دوره بالنيابه!
الرياء موديل ثابت
عدنه منغير ثيابه!
الغني السارق امواله
ايقشمر ابروحه ابثوابه,,
والصدك صاير عجيبه
يبتلي البلسانه جابه!
واليعاتبنه ابدموعه,,
تعله ضحكتنه ابعتابه!
والفقير الراد رحمه
نفرح اهواي ابغيابه!
الفاسد الينطينه رشوه
كلها تركض لانتخابه
والشريف الراد يخدم
كلها تفرح بانسحابه!
ابيا فضيله انواجه الله؟
والوطن نسعه ابخرابه!!
صرنه أقسى من القساوه
امشيطنين ابكل صلابه!
نترك المسكين وحده
دايخ بأكله وشرابه
أجم شباب انتحر منه
وهو بعده ابعز شبابه!
واليودع سره يمنه
انشهره وانزيده ابمصابه!
بس مصالحنا التهمنه
هيه التشخص الصحابه!
ولهذا ما رحمنه,,,
الحاكم ايذلنه ابجوابه!
بعد ماضلت
أمانه
الكل تشك وجنها غابه!
مشتهانه
ابكل خيانه
والوفه السدينه بابه!
الوفي احتار
ابزمانه
يدعي ويريد استجابه,
مابقه الواهس
اويانه
الخنكه ما خلت رحابه!
مدري شكتب
شاعر انه
مالي واهس للكتابه!
مالي واهس للكتابه,,
حسين االساعدي
رد مع اقتباس
عاشت
عساكم على القوة دائما
