هنا

[ارجع يازمان]

الحاله صعبه والمسافه الطويله
الطاح بيها ايتاني لحظة مصابه,,,

مابيه أمشيها الصفت مستحيله
اشلون ادوس ابكسري واحمل عذابه!

الشمس غابت والثواني الثجيله
ماظن ترجعلي الصباح ابغيابه!

الليل وحشه ابهل جزيره العزيله
والدرب ما كاطعته غير الذيابه,,

الذيب من ابعيد رايدله حيله
يتقرب اعله الطاح ويجس خرابه!

عالصيده ضل ايحوم عينه دليله
كلما يجن الليل يبدي اقترابه!

بس الدمع بعيوني صرت أشتكيله
وادري الدمع يجرح اعيوني ابعتابه,,

لا واحد ايمر بالصياح اعتنيله
لا يمي صاحب تلزم ايدي ابثيابه!

روحي عزيزه وما تواطي الذليله
والعتب ما ينفع ابوقت الطلابه!

العمر واحد وادري ماكو بديله
ضحيته الهم من نخوني ابرهابه!

انه الاجلهم كسري راح ابسبيله
من انقذتهم جتني هاي الاصابه!

شافوني بالممشه خطوتي قليله..
عافوني اهلي وخلتي والصحابه!!!
عافوني أهلي وخلتي والصحابه,,,
حسين االساعدي

[حسن هاشم]

الله الله رائع

[خالدالسعد]

جميل