وكت الليل
من نامو المايدرون
على گد البقه من الحيل دوّرتك ..
وكت الليل
من نامو المايدرون
على گد البقه من الحيل دوّرتك ..
الما ندب بلضيج حيدر ولينه
ماتنكضي الحاجات لوينطي عينه
أحمد العطواني
عَثره الدَرب وجروحـك هواي،
ودَگّ الحِمل روحه بثنـاياي
جيتـك
نَسِـيم..
وسِـدره
وفيـاي
،حِسچه ورَگص جَمريه عالنّـاي ..
يا گُمر… مُظلم يسهر ويـاي
يا نَهر… بس عَطشان للمـاي
اعـزازك اشـمـا دللتـهم تنلـچـم غصـبا عليـك.
دمعة
وطين حر
وناي
يا نهر العطش
عذبني طيف الماي ..
لا تحرك صرايفنه
تره العلكو شموع الليل
شالو شرشف الظلمة
ولكوك وياي ..
لا تنضح ورد ،
بالروح ضيم هواي ..
ضيم هواي
ودمعة
وطين حر
وناي
سهرنالــك اشگد و اشگد
يعاگول الــعشگ كافي بس باااحلامنه اتورد
غازلــني اشتهيت انباگ
من روحي لــ حضن روحك اريد الــبد!
طرزلي سوالـف ناي
دفيني لــ وجه ملگه بديت ابرد!
چم ليلة عل ليلة يعز عليه النوم
بس طيفك توالي الليل خطاري
و أنه گتلك !
گتلك الدنيا لوتني وبيك أحِسني أنسان أقوى
ليش خَليت العشگ بعيوني نَزوه.!؟
يالتسوى ناسي وهَلي شخلاك ماتسوه.!؟
تَرا تعافيت مِنهن لا يضل بـ بالك
مو انه اليچلب بَعد بذيالك
ولا انه البَعد يسهر يتاني تعود
خليني لوحدي أعيش
و وحدَك أحلالك .
يِهنيالةه الِـ يَحط راسةه ويَنام بِساع
ومَامش سالفةه بَبالة
ويِهنيالة الـِ يَموت بسيف
ولا نَظرات چَتالة
يمّ بابَك تراب أنطفّي
و أنباگ و أتوزّع ضِحك
چّم ثوب ألك جاسَه المُطر
بطُولك عِثر ذاك النَهر
ما صحّ عُطر ..
يَـ التسبَح برُوحي شبَعد !
حُضنك بُرد ..
سولفنّي يمّ گلبك حَزن
بلچن تحنّ و ترد حَضن .
