حنيت الك . ياحبيبـي وطالت الليـالي
حنيت الك . تعبتني ابفـرگتك يـغالي
حنيت الك . سنين وانته عـيونك اعلى بـالي
مـوت مشتـاگة . وين نتـلاگه
مشـه ودلالـي . وگف بفـراگه
لو رد والعيـون بالعيون يـلاگن
واصفن بلحسين والحسين يشـتاگن
غير السهر بيك والدموع ماضـاگن
اتأملك . يا ابوي وصاحبي وحـلالي
حنيت الك . ياحبيبـي وطالت الليـالي
راح خلاني . خاف ينساني
طيف مر بيه . حيل بچاني
مذبوح الحسين والاحلام مذبوحه
ميت اشعدها الخير تسحگ حيل بجروحه
طلعي بهداي هداي من حسين ياروحه
اتخيـلك . عالـرمح والـرمح بويه عالـي
حنيت الك . ياحبيبـي وطالت الليـالي
آخ ياشـوگي. راح معشـوگي
جـزت أيامه . غيم من فـوگي
لو يدري الحسين كثر ما تانيته
چفي من الفراگ على الباب ناسيته
يالبين الضلوع والعيون خليته
كلـي الك . إنته يا اول هـلي ويـتـالي
حنيت الك . ياحبيبـي وطالت الليـالي
ريـت ذكـراهم . مـات وياهم
عذاب اسنيـني . هلي بجـفاهم
ياهو اليـوديچ للعزاز ياروحي
فوگ الحياطين طلع شيب من نوحي
راح الدوه شلون اداويچ ياروحي
ارد اسألك . بـويه هم يـرجع بعد دلالـي
حنيت الك . ياحبيبـي وطالت الليـالي
نـار بالخيمة . مـوت بالهيـمه
خذوا نسوانك . ناس مو شيمه
كون الحگ ضعون هلي وكون الگيهم
من ماي العيون احـط ماي وازگيهم
بس اهلي ميتين عمت عيني اعليـهم
خلصـوا هـلك. موت ياگلـبي شنـو البـقالي !
حنيت الك . ياحبيبـي وطالت الليـالي
كلمات الشاعر: محمد الموسـوي
كتابة| zhra
تحميـلmp3
…
رد مع اقتباس
المشاركة الأصلية كتبت بواسطة Kaitoツ
