ثارك العايش بروحي وما عشت عيشة حياره
بكل وكت يتجدد الطف وانه واگف كالمنارة
على الوعد باقي ولا انسى الطفوف
عزمي من عباس مگطوع الچفوف
ماارد خسران وبروحي الحسين
والقضية تعيش بالحق والسيوف
يا عطشان عند ناس لا تهزم
مخلوقين لجلك للخيم للدم
هاي أنصار حد گطع النفس وياك
وبلياك هيج نصيح من نلتم
صلى الله على الماشين بطريق حسين
تعلمت من صغري اندب ياحسين انت بحياتي
ياسند وكت الشدائد التحضر بساعة مماتي
شفت بس انت الي وكت الشدد
انت يا خير العمل خير المدد
حاضر بكل بروح عاشگ ماتغيب
يافخر بيك الابو يوصي الولد
يا مولاي هاي الروح گدامك
وبكل حين ترخص حيل لجدامك
يامضلوم عايش بالگلب حرگه
نار خيام هيج گلوب خدامك
.....
تحميل MP3
رد مع اقتباس
المشاركة الأصلية كتبت بواسطة علي الواسطي
