شفتـچ واگفة وماشاالله الطول
وحيل مهتمة لحضـوري
وماعدتّ الثگيل الخانگ الگاع
تمـرين وتضل تهتز جـذوري
وعرفت بروحي گمت ارتاحلچ حيل
من شويه شويه ضل ايقل غروري
هذا الزلمة الگبالچ إذا حب
ادموعه الغالية يصيرن رخيصه
إذا مرّ يوم واحد مامحـاچيچ
تصب ادموعه وتبلل قميصه
ولكن ماحمدتي الله وشكرتي
وگمت اشتاق وتهملين أموري
اموري گتلچ وردة ماحددت يانوع
وتعافيتي رغم ماگـلت جوري
وسيطرتي وبديتي ماتسـألين
واعذرنچ واگولن مستـعزه
مهو التنور شارط شرط عالناس
لزوم ايچـوي خاطر يطي خُبزه
هي من الله كلما أوفي لأنسـان
يجيني بسالفة يحطم شعوري
يدور وين اليغثني ويسـوي
واخلص الليل ادور وش قصوري !
انه شلي أبـ مـره ماتعرف اتغار
ماتسأل عليّ ماتعرف اتگول
تخابر مية مرة ولو مـرديت
ماتخسر عليه بيش مشغول
تملكني التغار من الهوى الهاب
الغيرتها تقيد وانه قـابل
التغطيني، التدللني، التحب حيل
صح اچبير بس تحسـبني جاهل
من گتلچ احبـچ صيري بُركان
ومن اشويه اهملچ گبل ثـوري
مادري العشگ صاير مزاجات
متى ماشتاقلي تتحسن أموري
علي المنصوري
zhr
رد مع اقتباس
