هنا

[الملاذ الاخير]

اذا فد يوم تسمع عن الطفوف
وتسمع عن ابو فاضل وراهه
معناها انخسف بالجيش والخيل
ومعناها الكفل اخته حماهه
وانطه جفوف فدوه للصواوين
ولعند حسين عينه قدماهه
مو فرسان توكف وجه عباس
بس الجثث تتطاير دماهه
خله بكل كتر ونه وبجه ونوح
وكل بيوت عدوانه نعاهه
ملك الموت نازل بالنواويس
وكاع الطف دمه اعدائه رواهه
كال الماي شنو الماي واهتمله
زينب بالخيم والنهر اجاهه
يكللها النهر بمروتج ام عون
طلب منها يطلب وتعذراهه
اذا تردين مي بس اشري وأتيج
جف عباس الروحي قبضاهه
اذا يزعل يسد مجراي والماي
غضب بركان لو جرفي لواهه

..

احمد الگرعاوي
محرم الحرام
2021-09-11

[NO OR]

بديع

[حسن هاشم]

مبدع الغالي اخ احمد

[نغم الجبوري]

ابدعت شكرا الك

[تشارليز ليلان]

ابداع متواصل

[أبن ألأشتر]

قصيدة تصلح تكون ردة معتبرة .
سلمت وسلم قلمك وحشرك الله تحت راية علي ع
شكرا لك