مرحبا حبايبي
طبعا الحلوه NAZLY
نشرت موضوع طريقة عمل الغريبة وسر النكهة
شفت الصوره شهي كلش وصارلي سنين ماماكلته فقلت نحن لها
رحت الصبح اشتريت المكونات وطلبت فرن من جيران لان ماعدي اغراض مطبخ ويه كاونتر 9ايام يكمل
وماسولفلكم على وطنيه شلعت نبض قلبي
يله تعالو تعالو خلوني اشوفكم سويت
هيا بنا
*****
نبلش بالمكونات بس بدلت دهن بزبده نباتي
طحين2كوب + شكر1 كوب +زبده 1كوب
+ بيكن وباودر +فانله سائله+ رشه ملح
الطريقه
*****
ذوبت الزبده خليته بطاسه وجواها كدر مي حار
وبعدها خليت الشكر وخبطته لحد ما ذاب
بعدها خليت الفانله السائله بيكن وباودر ورشه ملح وخبطته
وبعدها خليت الطحين بتدريج
وبعد ما صار شبه العجينه عجنته بيدي
وهسه صار العجين جاهز
هسه نجيب صينيه الفرن وندهنا باي ماده دهنيه اني عدي بخاخ زيت زيتون البكر
وبعد الدهن خليت ورقه زبده
وسويته بيدي محلوه صارت جبيره وصغيره سويته بقالب كليجه
ومن بديت اشتغل بيه شغلت الفرن حتى يحمه
وندخله للفرن على درجه180لمده15دقيقيه
من جوه بس
هاي داخل الفرن انفخت فحركته بعدتهن لذالك الي يسويها يخلي مسافه بينهن
وهاي شكله نهائي وطعم راقي
وشكرا جميلتي NAZLY على وصفه
وكثرينا حلويات سهله
وسلامتكم
رد مع اقتباس
المشاركة الأصلية كتبت بواسطة مِـيهہرَمــآهہ ♬❥
