حالات في طب الاسنان تمت معالجتها شوف وانتعش
السلام عليكم
شلونكم حبايب؟
جنت كاعد صافن واجتني هالفكرة انه اطرح الحالات الي مشتغلها وانطي فد شرح مختصر انه المريض من شنو جان يعاني وشلون الحالة الي اجاني بيها
وشنو الي سويته اله
وراح انطي تجارب المرضى بعد الجلسات حتى تصير الكم فكرة عن شغل الاسنان ومتخافون بعد
ما احب أطول ونبلش ننشر اول حالة بس من تدرون بالموضوع
تحياتي لكم
ننتظر ابداعاتك دكتور
عاشت ايدك دكتور وراح نتعايش مع الموضوع ونستفيد منه..
متابعين جدا
بالتوفيق
وعليكم السلام
عاشت ايدك موضوع مفيـد
مُـتابعـةة
نبلش بأول حالة والي هي معالجة الضاحك الثاني السفلي
بداية اكو صورة قبلها الي هي اول ما اجاني المريض
وجان المريض عنده الم بالاكل فقط وبالماء البارد وعلى كد ما يشرب الماء او ياكل وراها يروح الألم او الوجع
هنا هذا مؤشر زين انه الحشوة مو حشوة جذر او عصب
يعني حشوة كبل نشتغلها
بس خلال ما شلت التسوس كان التسوس عميق وقريب على العصب وهنا اضطريت أضع مادة على العصب الي ظهر عندي بعد ما شلت التسوس وننتظر فترة من ١٠ إلى ١٤ يوم ونشوف الوجع يروح او لا ؟
يصير اقوى او لا ؟
هنا كلشي نكوله مؤشر لشيء معين
اذا الوجع خف وراح معناها م حشوة جذر وخلاص نسوي الدائمية او الضوئية مباشرة
اما اذا بقى الألم او زاد هنا نضطر نفتح السن ونشيل العصب ونكمله وبعدين نسوي الحشوة الضوئية
الحمد لله بعد ١٤ يوم لا الم ولا شيء
شلت الحشوة المؤقتة الي دا تشوفها البيضة بنص السن
وراها بلشت اسوي الحشوة الضوئية او الي يسموها حشوة سيراميك
وأهم شيء جان عدنا انه اللون متطابق وي السن وايضا شكل السن تقريبا رجع مثل الاسنان الطبيعية حتى المريض يرتاح نفسيا
وفوك هذا كله ماكو وجع نهائيا
العملية كحشوة طولت ٣٠ دقيقة فقط ورجع السن فول الفول
والمريض قريبا راح يجي على السن الي بصفه لان هذا صاير حشوة جذر
تحياتي لكم
اي سؤال حاضر
انتظر الحالات ...بشغف
عاشت ايدك دكتور
متابعين اكيد
وعليكم السلام والرحمة
عاشت ايدك دكتور .. موضوع نافع ومفيد
متابعة
متابع
واحتمال اجيك للعياده
شكرا جزيلا لك
رد مع اقتباس
