قصيدة ( شمسنا )
للشهيد البطل والشاعر : #صفاء_السراي ..
————
كلمات القصيدة :
شمسنا بلا تراجيها
شمسنا بلا گصايبها
من تصبح شمسنا بلا معاضدها تصير فياي
شمسنا وحوبة البردي
والناطور من يغفى اعلى صوت الماي
شمسنا اتّيه بالبستان
تغفى ويه الشلب فدنوب
وننطرها بصبحنه الجاي
شمسنا يعز علينه نگول
مامش بالضماير الها بينه مچان
شمسنا وموش ياهو الچان
على جناح الحمام نحمل الها نذور
وي كل طير كومة نذور
ومكاتيب بورق من خوف
شمسنا بليل موجوعة
غشمة وماعرفنا نطير
غشمة وما عرفنه نثور
غشمة وجولة الغشمة سفر
يا هيي ، يصويحب
يا جرح عاشر صوت
لمحت مچانك من بعيد
ولك دسرج حزن گلبك دخلنه نفوت
يا گنطار ، يا شلوة ، يالمارضيت تموت
شمسنا بليل موجوعة
ولك دضفر گصايبها
ولك لبّس معاضدها ودخلنة نفوت .
رد مع اقتباس
المشاركة الأصلية كتبت بواسطة نغم الجبوري
