توفي الشاعر الشعبي سمير صبيح، فجر الجمعة (22 تشرين الأول 2021)، إثر حادث سير في محافظة واسط.
ونعى شعراء، ومنهم كريم دخيل، وحيدر الشكري، على فيسبوك و رائد أبوفتيان و آخرون على انستغرام ، وفاة سمير صبيح.
ووقع حادث السير الذي أودى بحياة سمير، وفق المعلومات المتداولة، في قضاء بدرة وجصان في محافظة واسط، التي يتحدّر منها الأخير.
وسمير صبيح شاعر شعبي مشهور، ويعد من أبرز شعراء العاميّة في العراق، وقدّم برنامجاً تلفزيونياً شعرياً على القناة الرسمية.
إلى رحمة الله ..
_______________________________________
شكالولك عليه وصار وجهك سيف
وتعرفني التكتلك والحجي مصدگه
شجره ومو بديه وتدري وكتك ريح
وتحملني ذنب من طيحت ورگه
خلك ساتر ولك سويت خلگي وياك
شكد موت وجثث ماضيجت خلگه
مو من صالحك عالجرف تزرع عود
ماتدري اعله ساعه يفيض ويغرگه
ومن شفت الخناجر خذت دور السيف
كلت ياروح صيري بهالوكت درگه
وتسالني تگلي شسوه وكتك بيك
شسولفلك شأكلك ؟! تكتل الحرگه
ذبني ابير بيده وكال اكلني الذيب
ورسم للذيب صوره وجثتي بحلگه
وطفاني وعالجمر بچفوفه رش الماي
ورد ينفخ رماد ويا جمر يلگه
ما يدري الوكت لو عكس هدة خيل
اللي يطيح بدربهه جدامهه تسحگه
وذبحني مناطرك غيم ومطرها يطيح
گظت شوغات روحي لهفة الملگه
مثل فزة مفارك من تجيني بطيف
اشبكنك وافز وكلشي ما ألگه
مو ذنبي تره لبعض البشر مالوك
لان طبعي صريح وراسي مادنگه
اللؤلؤء باللضم كلش جميل يصير
بس هوه الحجي عالرگبه التعلگه
للشاعر المبدع سمير صبيح
الله يرحمه برحمته الواسعة
صـدمـةانـا للـه وانا اليـه لـراجعـون
اللـه يـرحمـه ويغفـر لـه ويصبـر اهلـه
حمودي ابني كبر
وبصف الاول صار
علموه اول درس
علموه كلمة دار
يسألني بابا طفل
اشتعني كلمة دار
كتلانة تعني الوطن
ها بابا تعني وطن
بس الوطن بايجار
الموت حط راسه وي المبدعين راحو دفعة وحدة
الف رحمة على روحك الجبل سمير صبيح
خسارة لا تعوض
الله يرحمه برحمته ويغفر له
الله يرحمه ويعوضه الجنه
شكرا لك
الى رحمة الله
ربي يرحمه ويغفر له
الى رحمة الله
رد مع اقتباس