هنا

[فقار الكرخي]

گالولي بيك يخون… لا گلتلهم
مربي على ايدي و ما اشك بأمره
من اهل الله گلتلهم فقير مبين
گالولي اسكت خوفك من الفقره
مو كله من گلبي اشتعل… لا خلها
شيشتعل اكثر فوگ ناره الكبره
نار الگلب ما چنه دم ايوزع
ولله چن تنزل جمر كل گطره
لو الگه شخص يحبني گدما احبك
أشعل له روحي مو اصابع عشره
يالماخذ احلام شكثر من بالي
مشاركني حتى بصفنتي بكل سهره
وشحصلت منك؟. جرح يبرالي
ياهو ليصدلي يگول جرحه شكبره
خل درهمك بالجيب ما نتراهن
شعليه اذا كتبه انگلب لو طرّه
لو تبچي دم گبالي ما ارجع لك
حبك دفنته وضاع اثرها الحفره







م

[خالدالسعد]

حلو احسنت

[فقار الكرخي]

أنرتم