بغداد ضحكة شمس ..... بغداد هلهولة
بغداد ليش الدمع ، صاير الج سولة ؟
كوليلي شنو هالصبر؟. خلكج شطولة !
بغداد انت ِ الامل ...... بغداد انت ِ الحيل
لازم يجيلج صبح ،،،، مهما الليل يمد طوله
***
الله اشــــكد حلـــــو
الله اشكـد حـلو لو ترجـع الـنا لمـتنا
الله اشـكـد حـلو لو ترجـع اخـوتنا
واشـكـد حـلو لو ننـبذ كل فتـنتـنا
والكاظـم يصيح شـنو صـار بعـروبتنا
ويـرد عليه ابـو حنيفة من اعظـميتنـا
يكول الفرس واليهود وبعـض العرب دمرتنا
واشـكـد حلو من الكيلاني تزوره شيعتنا
واشـكـد حلو من الحسين تزوره سنتنا
واشـكد حلو يلـعب عمر وعلي بمحلتنا
واشـكـد حلو من تصير الشـيعة سنتنا
واشـكد حلـو من تصير السـنة شيعتنا
رد مع اقتباس
المشاركة الأصلية كتبت بواسطة Suzana
