هنا

[ارجع يازمان]

ما ينعرف مزحك بين/ جداك
وبحسنك ابوك امنين!/ جداك
خـلانـي أسـب كـل يـوم / جداك
جمالك كـارثـه/// استهتر عليه!!
حسين الساعدي
____
///
طلاب وجنت تدرس / بصفنه
وجـانت رَحلـتك كلـش / بصفنه
خلـصـنه الدرس صفنه / بصفنه
ونتيجتنه صفر / بس انته ميه!
حسين الساعدي
ــــــــــــــــ
::
أمشي ابشوك البكلبي/ ورد بيه
يـل مـامـره مـرسالك / ورد بيه
خـدك مـن اشـوفـنـه/ ورد بيه
اجيك اشتمه/// من غصبن عليه!
حسين الساعدي
ـــــــــــــــ
::
لدمــدم علـيـنه ابـدام /ماددام
حسنك ولزليخه الحسن/ مادام
ومادام انته طبعك هيج/ مادام
الحرب بيناتنه ///ابهاي القضية,
حسين الساعدي

[مُتفردّة زمانيّ]

أزهـرت الكلمات

[ارجع يازمان]

أزهـرت الكلمات

بعطركم