لا تعلق بس اقراها وتفكر!! -حسين الساعدي
ما تغير منها / غير أرقامها..
وضلت الأعوام ...نفس أعوامها,
.
احنه مختلفين عن طبع السنين
الأبد ما تتبره ...من أيامها,,
.
ابلا حلال ولا حرام امفكرين
المهم تكثر... علينه انعامها!!
.
وشكثر لبسوا /// اثياب المسلمين
وهمه ما محسوبه من ,, إسلامها!!
.
بالكلام ..اسلام.. لكن ..باليقين,
الهسه بيهم ... يعبدون أصنامها!!
.
ياهو بينا ايفكر ابحال الحزين!
واشكثر بينه ///التعوف ايتامها !!
.
يا أبو الجر ولده للحق المبين
وفسر الايه... ويطبق احكامها؟
.
لو كنت مسؤول والراعي الامين
الذيب يعجز ...يوصل الأغنامها!!
.
والمساكين .. الصفوا مطشرين..
احنه شاركنا _ابحكم اعدامها!!
.
ما كو كعده الطردت ابليس اللعين
الغيبه ..التجيبه.. وكعد/ كدامها!
.
محد اتحلم ابمرضات االمعين
وبالمطامع هسه... كل احلامها!
.
ذاكه من ذاكه الب الله يستعين!
وحارب الدنيا ويجر/ اقسامها,,
.
هسه بالله الجنه وين واحنه وين!
ابهاي الافعال!! الجثيره اثامها!
.
منه متبري ___رسول العالمين
الرحمه ما توصل ابقطع ارحامها!
الرحمه ما توصل ابقطع أرحامها!
حسين االساعدي
رد مع اقتباس
المشاركة الأصلية كتبت بواسطة مهدويّة.❀
