mp4
يزوار....ياألف هنيالكم
يزوار.... تقبل الله أعمالكم
هاي جيتكم شرف .....كل وكت معروفة
هم مثلكم فاطمة .....تجي الموسى تشوفه
توكف اباب الصحن ..... لن تحيي ضيوفة
المايعوف ام الحسن.....هي هم متعوفة
يزوار...فاطمة تبرالكم
يزوار...تقبل الله اعمالكم
يزوار....ياألف هنيالكم
يزوار.... تقبل الله أعمالكم
خطوة خطوة مسجلة....بالحشر مضمونة
واليزور آل النبي.... حتما يزورونة
مايضيعونة وعلي....باجر يحضرونة
بگلبة شايل كربلا....وزينبي يعرفونة
يزوار....خلوا هاي ابالكم
يزوار...تقبل الله اعمالكم
يزوار....ياألف هنيالكم
يزوار.... تقبل الله أعمالكم
المنبر الميقدسة....بالة يحجي حجاية
راية الخدمة تظل....والله اشرف راية
الله ﻻ يحرمنا من....هالمجالس هاية
للشعائر يالخدم ....انتم الوفاية
يزوار ....كثر الله امثالكم
يزوار...تقبل الله اعمالكم
يزوار....ياألف هنيالكم
يزوار.... تقبل الله أعمالكم
هالمحبة الصادقة....بالگلب مغروسة
والزيارة الكل محب....تنجعل ناموسة
كل عطاياهم ترى...واضحة وملموسة
مايخيب اليعتني....للجواد وموسى
يزوار....دوم شدوا ارحالكم
يزوار...تقبل الله اعمالكم
يزوار....ياألف هنيالكم
يزوار.... تقبل الله أعمالكم
دعوة عدنا وكل وكت....واجبة ومريودة
ندعي ربنا بفاطمة....ايعجل الموعودة
صيحوا ياموسى عهد....شيعتك موجودة
سيدي ولزيارتك...نسأل الله العودة
يزوار.... يحفظ الله عيالكم
يزوار...تقبل الله اعمالكم
يزوار....ياألف هنيالكم
يزوار.... تقبل الله أعمالكم
كلمات: علي الموسوي
اداء: مسلم الوائلي
تدوين: براءة
mp3
من هنا
للتحمیل
اضغط هنا
للتحمیل
رد مع اقتباس
