بعد ماكو إعـزاز عنـدي صِرت أردد تايـبين
بعد ماكو إعـزاز عنـدي صِرت أردد تايـبين
⠀سلامتهم
بعد ماأريد أحب و أنعاف
و چفوف الـ تسلم رح أچويها
أغمض عيني و أتذكر شگد وجوه
چانت تضحك بوجهي من ألاگيها
احمد_عاشور
يمكن مو وكتها بس بعد حبيت
لا والمشكلة ماتدري بيه أنــت
وحق عيونك الـ ما حاسبلها حساب
الـ يحب من طرف واحد يحترگ سكتة
أنا متعـود آخذ دور الـ يبچـون
بس دور المدلل ، ما تعـودته .
احمد_عاشور
الوكت يطحن بدلالي/برحاه وصيح احاه ردفه/برحاه
گضيت العمر بس افرك/برحاه لحد مايبّسن جفين اديه..
علية تكاونت وادم بضهري تعيش
وادم جنت اعارك خاطر احميهة
انة الهاظمتني من ركزت بيهن زين
علي ثارت فشگ جنت آنا اعبيهة
الشمس
من تطلع اعلى الناس
تحبل بالقهر
تثكل بطنها
وغاد
تنزل بالجزيرة اتجيب
اجس گلبي الفضي
متعوّب حد الويل
و ادعيلة الصبر
عن لا يفشلني.
آخ لوتدري شكثر عالبال اجيت
وشكثر مرت سوالف جارحة
البارحة الطرواك من كد مابجيت
إنكسر خاطرها وبجتلي البارحة
سعود الخفاجي
ابشرك خلصو مابقو عندي هواي
كل المشتريهم رخصو بية
اصافحهم واحس بطراف اديهم غيض
كاتل منهم ومادافع الدية
بسد بوساتهم دفنو اشكد انياب
واكول يجوز جانت عن حسن نية
ويمر طاري ويذكرولي الشينات
وصد الغيبة تنوكل نيه
و انا الجنت أظل واكف
بلا استعداد
من اسمع عزيز يفوت طارية
ايهاب المالكي
بيه صوت يهزله دنيا و ما گدر
بسمك يصيح..
سمير صبيح
