مشرف مُنتدَى الشّعرِ الشّعبي
ظاك خلگه الگمر ياحيدر علـــــي
بيوم شاف بجرح راسك مبتلي
بويه عينك دامعـــــه
شنهو هاي الفاجعــــه
شلون ابن ملجم يطبرك يلولـــــي
شلون صوب هامتك ياابالحسن
وين عنك جان الحسين وحسن
الف وسفه عليك دمعاتي جرن
وسفه يا سيف الغــــدر
ينضرب فارس بــــــدر
انه عگبك بالعمر حيدر شلـــــي
هالعين اشلون بويه من اجـــــــــاك
بلصلاه وكت الفجر ليك اولفــــــاك
هلنذل متعمد وليك اعتنــــــــــاك
ابسيفه طابر هامتـــــك
ابدم يخضب اعمامتـــك
ياعلي يابعد روحي وكل هلــــــــي
اشلون ابن ملجم يطبرك يلولــــــي
اشلون ابويه صابه ابغدر اللعيــــــــن
امدنك الهامه ويعلي بالونيــــــــــــن
ريت عمري ابدال عمرك يالحنيـــــن
كلبي احر من الجمـــر
والله ماعندي صبـــــر
يلطم اعلى الراس والدمعه اتهلـــي
المن اگصد بعدعينك يلولـــــــــــي
بشوفتك ياعلي كل هم ينجلـــــي
اكعدت انحب واصحين ياعلـــــي
وحشه الدني وخليـــــه
وسفه بعدك منهو اليـــه
مالي غيرك كوم انهض يالولي
شلون ليله على زينب واليتامـــــــه
ناحت املاك السمه وحتى الحمامــه
بالدمه محرابه فايض والعمامـــــه
بالدمه اتفيض الـــــراس
خله يحظرله عـبـــــاس
من بعد عينك يبويه نبتلـــــــي
ياحسافه گربت ايام الأميـــــــــــــر
والطبر راسك ولا عنده ضميــــــــــر
شلون اودعك بويه الوداع الأخيــــــــر
صارت الدنيا ظـــــــــلام
من انضرب راس الإمـــــام
شفته ايوصي عليه كافلــــــــــي
