ياشعبان أبو الأقمار_حسين الساعدي
يا شعبان أبو الأقمار هليت
ودموع الفرح وياك هليت
اتمنى يتحقق يوم هل ليت!
ويظهر منتظر شبل الزجيه
حسين االساعدي
:::::::::::::::::::::::::::::::::::::::
للامام الحسين عليه السلام
:::
كال ياهو الجنه تنتظره ابعتبته؟
كتله انته,,,
كال ياهو انذبح عطشان ابغربته؟
كتله انته,,
كال ياهو الجده خير الكون والبدر ابطلعته ؟
كتله انته,,
كال ياهو الامه أفضل؟
وبابوه الدين يكمل ؟
انولد بلكعبه وعرفته؟
كتله انته,,
كال اخو المجتبى ياهو؟,,البلكرم معروفه قصته؟
كتله انته,,
كال ياهو الاهله افضل بالحديث اللي سمعته؟
كتله انته,
كال إذاً صلي علينه... بالصلاة المهدويه وعجل المهدي ابثورته,,,
حسين االساعدي
:::::::::::::::::::::::::
للامام العباس عليه السلام
::
ميلادك بخت واجفوف وفايه
وزينب يابو فاضل تشهد ابهايه
,
الغيره انولدت ابميلادك الميمون
وبمهدك ابوك امسلمك الرايه,
,
يانيشان لهفة شوك اليزورون
كل احنه اعلى دربك صرنه مشايه
,
تبقه المدرسه المن عدها يتعلمون
الخوه الصحيحه بأجمل احجايه
الخوه الاصيله بأجمل احجايه
حسين االساعدي
رد مع اقتباس
المشاركة الأصلية كتبت بواسطة ســـــجـــــودي ﹩ʝ☹
