حبيبي مرايا من مگفا ترى فاه
وابد مو عسل بالشيشة ترى فاه
الگطن كلش خشن مابي ترافه
قياسا بيده من تلمسها ادية
حيرة امنين اطلبـــنه وخطــــباه
واحس حبه ايخطب بية وخطباه
بعد شلّي بحبـــــر قلمي وخط باه
وكحــل عينه لــــوازم مدرسيـــة
منــو المــو راقــي كلـك ؟ لاع راقـــي
وغيرك مو بگلبي لا اعراقي
جمالك مو أجانب لا عراقي
فدا لچــــــــازك تروح الاجنبية
عـدل ماملـــت وي الـــ مالوانـــي
شكثــر لـــوّنهــا وكتــي مالوانـــي
وعلـــي فــراكك لــويتة مالوانـــي
مثـــل لـَـوية التــاء الآخــــــرية
يمن تغلا بثوانيك ولحضاك
سعيد الشافك بدقة ولحضاك
ضوة كرستال من خدك ولحضاك
ليزر من يصد يكتله مية
خالد السعد
رد مع اقتباس
المشاركة الأصلية كتبت بواسطة نـاي
