لاكيني طشت حضن
متروس بملوحه ..
يبو الطول الثلج
يلماصخ بروحه ...
يبو عيون التفشل كل سواد اليل ..
يلعنبك بعيد ومااكدر الوحه..
جربني حلم فحطان كل ليلية تلكاني
واسهرلك عجوز وفاكدة الشبان
دفنت الأول وجابولهة الثاني ..
واذا شفتك مناجل خوف
تلكاني كصب بردي
وتراهة الناس
بوجهك تحجي المعدل
وبكفاك تجيب و تودي
ولاتهتملة ذاك العافك بليلة
تسوا خصلة اكذيلة...
ويتخربط بروحي الصاحي لو ذكروك
يلمبدي الحنان اهناك
مومثلي علك شدوك
جرب شوفني شكد طايح بضهرك ..
سهر وادموع واسوالف من حجي الخرسان مو ذولاكة ماسمعوك ..
اسمعني ولاتخسر
يلمطشرني لمني وشوف
اغنيلك حضن دافي
واراويك الورد مايشبه الوردات
يشبهك خدك الصافي ..
وقدرني
امطرتلك حيل حنية
قدرني ترة النخلة التذب تمرات
مامعقولة يومية ...
يلمفحط عيوني وكاسر ارموشي
الله وياك اذا تمشي
الصدفه البيك جمعتني
بغيرك راح تجمعني
م
رد مع اقتباس
