انه ما اگدر اعيش ابلايه ضيم
توني متغطي ارد اموتن
و الهلاهل نفخن بگلبي الرماد
گمت من لحدي ادردم
و خوفي ترس البيت
ترس البال
ترس الذكريات ...
گمت و اللعابه مدري شبيها غنت ...
گمت و البيبان ونت ...
سولفت وي روحي
بلكت يمر واحد و اضحك اشوي اعله ياها
وصورتي العل حايط انطتني گفاها
ارجف و مختنگ كلش
و چلمتي بحبال صوتي تنعجد
انا خايف مدري جايسني برد ؟
و اگعد اعله الطاوله
و يگعد اگبالي ...
شوگي و احلام السنين
و ادفع اگلاص الفرح ...
مابيه اشربه
انه متعود على طعم الونين
انه ما اگدر اعيش ابلايه ضيم
وارجع اللحدي ادردم ..
گلت اكمل موتّي
و من بعدها الله كريم ...
موعود قاسم
رد مع اقتباس
المشاركة الأصلية كتبت بواسطة محمد صبيح
