هنا

[ملكةه]

ليش الليل مايغفه....؟ لأن ملح السهارى اينام بجروحه...

چا ليش الشمع يضحك....؟
چي ناذر ضوه العشّاگ من روحه...

چا ليش التزرعه ايموت..؟
چي ماي النبع مغشوش بملوحه..

چا ليش المشيب ايعيب...؟
چي سوده اعله بيضه اتصير مفضوحه

چا ليش السمچ مانام ...؟
چي هاجر حبيبه وماهجر نوحه...

چا ليش النخل ماطاح ...:؟
متعلّي اعله هام الموت شيلوحه .

چا ليش اليحطّ ايطير ..؟
ماشايف طُعُم مطشوش بسطوحه ..

چا ليش اليحب ايخون ..؟
كلمن طينته وماعون منضوحه

چا ليش الصدگ مبيوگ....؟
چي صار الچذب للناس مرجوحه ..


چا ليش... امن انشدك ليش ...:؟

هاي الليش.....

بيّه اسنين مذبوحه


كاظم العطشان

[خالدالسعد]

قصيدة جميلة شكرا لك

[رقية↫]

شكرا حبيبتي...

[لاڤندر]

شكرا