السلام عليكم/
ماهي الغاية من ثورة الفقراء والمظلومين؟ هل إيقاف العمل بالدستور ؟ حل مجلس القضاء الاعلى؟ انتخابات مبكرة؟ ؟ انتخابات مبكرة ؟ الإعلان عن بيان رقم واحد ؟
تغيير نظام الحكم لان الامام الحسين خرج من اجل الاصلاح وتغيير الاوضاع لكن الناس خذلته
افتونا ماذا سيحصل؟
الموضوع خرج عن سياق الاتفاقيات والمسرحيات ووصل الى حافة النهاية
نتمنى ان يتخلص العراق من كل هذه النفايات
وربي يحفظ العراقيين.
العراق من زمن حمورابي هو معارك والقوي ياكل الضعيف حتى الامام الحسين عليه السلام جاء لينقذهم من الظلم والجور فخذلوه وسطفو مع الظالم ومنهم اخذ وضع المتفرج بحجة اني شعليه... وبعدها حروب وقتل وتغيير انظمه من العثمانيين الى هالوكو و برطانيا وامريكا و ايران و دول الخليج و من هم خلف الكواليس والسياسيين هم قطع شطرنج تتحكم بهم الدول العملاء لها والشعب نفس الحاله اني شعليه فلعراق لا يستطيع اي محلل سياسي يكدر ايخمن مستقبله العراق الى المجهول... بالنسبه الي اعد ايامي شوكت اموت وخلص والعراق مراح يتغير ولا راح يتطور بعد ملايين السنين.. صدگوني ايروح ظالم ويجي اظلم من عنده
الشعوب التي تحركها اشخاص وتخمدها اشخاص لا يمكن ان تجلب الحقوق هم ضحايا اسيادهم للعيش بالنعيم
بماذا نفتيك .؟
ماضينا اسود مخربط وحاضرنا امصخم مدعفس ومستقبلنا مبهم مجهول .؟
شنو تريد نتفلسف حسب مزاجنا وحب وحجي واكره واحجي .
انت جيب راس السالفة .واحنا انكملك الرباط .
عاد ماادري .
لان كل واحد منا عنده رباط خاص الى سالفتك .؟
الله يعين العراق .؟
رجاءً لاتحاول تستغل المشاعر والعواطف وتربط بين ثورة محرم ، هذه الثورة العظيمة . وثورة الغوغاء والجهلة .
فليس كل من يدعي انه يسير على نهج الإمام الحسين هو كذلك .
فلا تحاول دس السم بالعسل يا نعناعنا العزيز .
هي ثورة جزء من الشعب ، هذا الجزء يمتلك قيادة و يؤمن تماماً بـ اراء قيادته ، اغلب الي دا يطلعون بالاعلام (المتظاهرين) حچي ميعرفون يحچون يگلولهم شنو مطالبكم يردون لازم يرضون ابو هاشم ، هذا يثبتلك ان مقتدى محظوظ بـ اتباع عددهم كبير و تفكيرهم محدود و بذلك راح يحصل على اكبر المكاسب من هذولة السياسيين الجبناء لان يخافون لا ينفذ صبر السيد و يگلهم للمتظاهرين ترا فلان سياسي زعلني ، والله لا يدخلوله لقصره ويسحلوه
بس بالنسبة الي ولغيري من المتابعين ، احنه هاي التظاهرة ما تمثلنه لان نعتبرها تظاهرة حرامية تعاركوا ع تقسيم الحصص الي سرقوها من جيوبنا كـ شعب
و اذا تريدني اكون صريح وياك اكثر ، اني اتمنى ان ينتصر احد الطرفين في النهاية ، حتى بالمحصلة نگدر نخلص من طرف واحد من اطراف الفساد ، يعني بكل الحالات احنه كسبانين ، بس يا ترى منو الطرف الاقوى بيهم ؟ لحد الان حسب الواضح ان التيار اقوى
على كيفك ويانا يا ابو نعناع
هي مظاهرة قام بها احد السياسيين
ضد بعض السياسيين مثله
من اجل الحصول على منصب رئاسة الوزراء
لكي يكون هو المتحكم بأمور الدولة
سويتها ثورة الفقراء والمظلومين واعطيتها عنوان ثورة محرم
تسمية الوضع اللي ديصير بالثورة مضحك
شخص صارله سنين بالعملية السياسية ويتسلم اعضاء التيار
مناصب وزارية ويتمتعون بكافة الحقوق هسه تذكر يريد اصلاح!
الوضع لا ثورة ولابطيخ سياسيين تعاركوا بيناتهم
يعني فعليًا تخزينا كدام خلق الله حتى منكدر نكول العتب ع اتباع مقتدى
لان لاحياة لمن تنادي
كل ردود الأصدقاء صحيحة أتفق معها، لذلك لا داعي لأكرر ما قالوه
رد مع اقتباس