طبوها ربع حسين ازغرهم ابسيفين حيهم ياهله
فاتو عليها اعناد سووها دم ورماد اعگال المرجله
الرايد عمره ايراجع امره
يسولف عذره بساع بساع
گبل الهده ايسلم حده
وما يتعده بهاي الگاع
اليرجف گلبه ايضيع دربه
ارجال الصعبه اسباع اسباع
وگفو نهار بليل
اسم الله اعله ذاك الحيل ملعبهم حلى
فاتو عليها اعناد سووها دم ورماد اعگال المرجله
________________________
ياهو ايضمه الزلمه الزلمه المالح دمه الماينضاگ
الگال اوفه اليسوه الوسفه
وبس الچفه الطگ يشتاگ
شامر ذرعه وكاشف ضلعه
ودع ربعه وصاح فراگ
گالو فدى ونندار
وثار احنه گبل الثار الهاي العايله
فاتو عليها اعناد سووها دم ورماد اعگال المرجله
________________________
عين الحمره اتطفي الجمره
عدهم نظره من العباس
الصحبه التسوه الزلم
التگوه وعدهم فتوى الطگ عالراس
طبو زفه الكل متحلفه زلم الكلفه الماتنجاس
طبو مثل عرسان وحياهم الميدان زلم معدله
فاتو عليها اعناد سووها دم ورماد اعگال المرجله
_______________________
الجيش اتخردل ضل ما يندل ذلوهم ذل ما ينعاد
كلهم اكبر محد قصر بيهم غزر ملح وزاد
جنود الزهره وبيهم شمره
اعزاز الگطره وخوش اولاد
چن هوسو عالغيم
نكتو عبات الضيم القوى العاقله
فاتو عليها اعناد سووها دم ورماد اعگال المرجله
________________________
عرسان الحگ وشبول الطگ
شگوهم شگ ما ينراف
شالو رايه ودگو ثايه زلمه احچايه الما تنعاف
وگفو خيمه بذيچ الهيمه وصارو غيمه الماتنشاف
عابس حبيب وجون
بالطف خدم لام عون چبيرة المنزله
فاتو عليها اعناد سووها دم ورماد اعگال المرجله
________________________
كلمات: فاضل حسن
استماع وتنزيل MP3
هُــنــا
رد مع اقتباس
المشاركة الأصلية كتبت بواسطة جَنـوبـيـة♡
