مشلوع گلبي ما يستقر من الوجع نبضه
مشلوع گلبي امفارگله واحد محد يعوضه
احن للما يمر وكل لحظة انعصر
ابويه ومن يذكرونه الف مره انكسر
اعله كيفك يا سهر بده يقل النظر
ابويه حسين ناسيني ولا وده خبر
اسولف للسما بعيني النجم خليته يحفظني
وارسم صورته ابالي واجيب ايده تغمضني
تره الفارگه ابوها وراح والله تصير منسيه
هو الوالد من يموت نقطة ضعف البنيه
خطيه العاشت بلا اب وحيده
عدها اكبر حلم تغفى اعله ايده
حنان الوالد البنته ولا صح مثل حنيه
توسلت النسيم الهاب ياخذني ويوديني
اذا ما اشوف ابوي حسين
والله اتبره من عيني
بعيد الشر على عيونه
الگبل بيهن يخليني
حنيت ارجع هاي اخر ايام العمر يمكن
حنيت ارجع بلكي الله وبنفس الگبر نسكن
التعيش ابلا اهل يعذبها الأجل
لان كل ما يسألوها تموت من الخجل
يصاحبها البچي يتعبها الحچي
خطيه المات والدها عليمن تنتچي
شفتك بالحلم تعبان خيرك گتلك اسم الله
بچيت وگتلي يبنيتي راح يموت عبدالله
اه يا فرگت الخوان من بعيد وتبين
بس معروفه هو الموت ياخذ وين الاحنين
فزيت واثر گيد اعله اديه
معناها خذو زينب سبيه
موقفها بدخول الشام
على العباس مو هين
على شاطي الحزن يحسين مكتوبات اسامينه
اني وانت من نشتاگ ينشاف الألم بينه
اوگف يا وكت لحظات رد بينه اعله ماضينه
____________________________________
تنزيل MP3
رد مع اقتباس