كلمات قصيدة - الزياره هالسنه ثگيله | مرتضى حرب
مبينه الزياره هالسنه ثگيله
والحمل بس اهله تتچيله
واحنه اهلها نخدمها كُلها
الحسين يستاهل نضحيله
ما نبرد لا نتعب لا بينه اليمل
خدامک تعرفنه تچاية حمل
تستاهل نوگفلک ياراعي الفضل
بس گبرک يم بابه يلتم الشمل
هله بگد ما گالت الوادم هله
واليجي يزور الحسين ندلله
هالسنه الخدام بالدم كاتبين
كون كل امچان يصبح كربله
هاي الزياره نتعب اعليها
كُل المواقف تنذُكر بيها
ختذب حملها نخدمها كُلها
لحسين يستاهل نضحيله
نتعبلک بالخدمه تستاهل تعب
نوگف للمشايه سوباط العنب
عابس يتلگاهم واليطبخ وهب
والحارب زوارک خيشوف العجب
خله يسمعنه الدره والمادره
ما يغيرنه كلام المحبره
احنه خدام الحسين وثابتين
لجله عالموت الخدم تلزم سره
والخدم كُلهم گالو احچايه
هاي السنه ندلل المشايه
هيه واهلها نخدمها كُلها
لحسين يستاهل نضحيله
ما تصعب عالخادم خل تكثر بعد
يتونس بالموكب لو زاد العدد
من نثبت بالخدمه يحسدنه الوتد
بالخدمه زوارك احلى من الشهد
يحله بعيون الخدم كُل ما كثر
عدد خطار الحسين من البشر
تشهدلنه الگاع يوم الاربعين
بكربله ما ننحسب مثل المطر
شوف الچفوف وتعرف الغايه
من التعب كلهن مچوايه
ماكو مثلها نخدمهه كلها
لحسين يستاهل نضحيله
خدامك بالموكب شدادت حزم
مابينه اليتعاجز عشاگك زلم
چن فزعت انصارك بالزاير نهم
بس خدمت زوارك مو واقع حلم
خدمتك يحسين عنوان النصر
والله لو ما خدمتك ضاع العمر
كون وياك المواكب بالطفوف
يم رگبتك ما وصل سيف الشمر
كون المواكب حضرت العاشر
چا هسه عبدالله گمر صاير
والكل كفلهه نخدمها كُلها
لحسين يستاهل نضحيله
كل موكب يم موكب توگفلك سوه
حتى الجنه تبين من گد الضوه
خدامك لجروحك من فزعو دوه
والشاهد مو واحد لا طف نينوى
حسين من يحتاجنه نوگف علم
نوگف بوجه الجمر مثل الخيم
وغير نهجك كل بشر يسمعنه لا
فقط بس دربك سمع چلمة نعم
بس الك چلمة نعم گلناها
يحسين صحنه وبيها نتباها
تقبل عملها نخدمها كُلها
لحسين يستاهل نضحيله
شي تخدم شي تلطم شي تنصب خيم
ما گالو للزياره بس كلمت نعم
كل هذا وصاحولك قصرنه الخدم
العوز نا يگدر يكض چف الكرم
محزمين وزرو حتى الحرم
لجل زينب بالخدامه متربين
اخر الوادم تجي الصحن الحرم
هاي الخدم بس انت صاحبهه
بدموعها تفلش مواكبهه
يحسين املها نخدمها كُلها
لحسين يستاهل نضحيله
كلمات : مسلم المطوري
تنزل MP3
رد مع اقتباس
المشاركة الأصلية كتبت بواسطة sawsanmahmoud
