هنا

[فقار الكرخي]

عاین روحي و عاین روحک
یاهو الفرگه امبینه ابحاله

لو ما رطب عثگ النخله
راعیها اشیترس بسلاله

غربل روحک من اجروحک
کل دمعه ابخدك بطاله

لا تغلط وتفکر کلمن
یملک خیل من الخیاله

عوفه الیمدح بس ابروحه
شوف الحوك ابوکت افعاله

اگصر یم غیرک وتواضع
کلمن یگصر طال اخیاله

و قشمر عقلك واتبع گلبك
بس گلبك یدری اشیحلاله

طیر ورگصهن جنحانک
شما بیک الغیم اتدناله

وطیح وهوس لمّن تمطر
گطرات التنزل هماله

ارجع من اوّل وتونّس
اکسر لیلک وخذ اهلاله

اشتل ضحکاتک بعیونک
نور الفانوس ابدلاله

ارجع منتظرک تلگاني
فارشلک حضني...اتعناله

لا تتعب گرب واصطادك
انته السمچه وحضني الفاله

[الرميثي]

جميل ما سطر قلمك عزيزنا فقار

[فقار الكرخي]

غالي وغالي

[زينب | ١٤٢٤ هـ]

روعه موضوع رائع ومميز
عاشت الايادي دوم التالق
تحياتي

[فقار الكرخي]

نورتي يالغالية