السلام عليكم
شباب حبيت اقدملكم هذه المجموعه من الومضات الجميله واتمنى تعجبكم وانتظر ردودكم
وطبعاً هذه الومضات منقووووووووله
مـن درت عــينك شـــفت والله عيـــــون
ومن درت الوجه شفت الشمس طلعت
ودرت الشـــــعر رأســــا اجــــــانه الليل
لأن خافت شمـــسنا وبالعجل شــلعت
اذا عينك ســـفينة تســــابق الإعـصار
أكيد الســــفن يمها بلا وشك ترسي
ولأن خايف تحسدك يا حبـيبي الناس
علـــــيك الفــــلق أقره وآية الكرسـي
جمالك معجزة وخدين مو خــدين
كلـش ضاويات ونورهن يســــطع
وهيه المعجزة بخدودك الحــلوات
لأن أول كَمر ويه الشمس يطلع
انه اكثر حزن من حزنك عليك
نيشاني التفت بس دك على متوني
لو شفتك تهل ادموع علوجنات
انـــــــــــه بلا شعور ابجيلك عيوني
وهابي بالحشر نادم على السواه
واجه لربه ذليل ويعتذر منه
ولأن رحمة الاهك فاقت المعقول
غفرله ذنوبه كلها وما عزف عنه
وركض للجنة يبجي ويشكر المعبود
وأول ما دخل للكوثر اتعنه
ولمن شاف حيدر واكف على الحوض
حقد حته عله ربه وفجر الجنة
عركه اعله العلم والعلم ماموجود
وامريكي العلم رفرف على ابلادي
نفس الصوتوا لو نصهم امصوتين
والعباس ترجع كبة الهادي
من كد ماترف ينشاف بيك الماي
وتخجل من ضواك وتنطفي الشمعة
وأظن عشرين وأكثر حملت امك بيك
لان دكة جمالكـ مو شغل تسعة
ما احلم بعد وعيوني اسدهة عليك
غيرك ما اريدة ايدنس احلامي
مشرك ما جنت ما جان اكو اسلام
هسة آنه اسلمت وارد اعلن اسلامي
رئـــيس الدوله شاعر لو يصحله ايصير
لأن شــــــــــــاهد بعينه وعاين الحاله
تمثال الرئيـــــــــــس انداس بالرجلين
والشــــــــــــــاعر بقه وما طاح تمثاله
لاتلوم الكـلـب مـن يـزعـل عليك
لأن روحي وروحك اشتركن ســــــــــــــــــوه
ومستحيل انساك يااغـلـه حبيب
لأن انــه اتنـفســـــــــــــــــــ ـــك وي الـهـــــــــــــــــــــ ـــــوه
اذا وياك حلكك يحجي وجهين
على يا سر بعد يتأمـــــــــن الراس
واذا كلمن عطش كال انا الحسين
اذن كلمن يجيب الماي عبــــــاس
كتاب أنت أنكتب كلشي حلو بيك
ومامليت منك من قريتك
ولو أدري المكاتب منك تبيع
بعت الروح لاجلك واشتريتك
ماجيت اشتكي كالولي راح اتروح
جيت انهي البدايه وأختم القصه
فرصه من العمر جانت محبتي وياك
وصدك ماترد لو راحت الفرصه
أذا ماكو نقد معنى ألشعر ضاع
لأن نقدك ألي يعني أنه شاعر
واذا ماكواصدق عند الينقدون
اذاً اعدام نحكم عالمشاعر
ماتت الگصه وعرگ تبجي الجبين
دمعه بعيوني وأحس گلبي إنثلم
والله ما أرفع علم فوگج يدار
غير أبو النجمات ما يرهم علم
حاربت الوكت والوكت طكني بسيف
راد بها لقضيـــه ياخـذ بحيفـــــــــه
صديتــه بعــزم حـاربتـــه بالــذرعــــان
مو عظمي انكسر هو انكسر سيفـه
كثر ما فكري يمك وانتَ بيه تدور
صرت حته من اغمض هم اشوفنّك
صرت بيك انه عايش وانتَ بيه تعيش
وبعد ما گمت احبك صرت احبنك
اشكد شايف شفايف فوكهن شام
ومثل شفتك فلا ملتقي بشفه
ياكل لفه شفته وجان جوعان
ومن كد ما حلو عضته اللفه
حبيبي أبلا حسد ماينوصف للناس
ترف شفاف كلش جنه فراشه
شوصف والسحر كله أنطبع بالطول
على أفراشه تمدد نوّم أفراشه
عندك نور يشبه نور الهلال
يعني انتة كمر وهلال تنقاس
اصعد فوك بيتك باجر وشوف
اذا مو عكب باجر تفطر الناس
جنت محتاج شوفك من جنت ماشوف
وردتك عون الية بوكت عازة
كزازة انتة واظمك بين العيون
ويا عين التغمض عالكزازة
كلبي على ألعشگ مارهم بيه مفتاح
مفتاحكـ عليه شلون رهمته
معـذور اليحبـك لـو كفـر بهـواك
او لـو حبـك نبـي هــم چـان كفـرتـه
شاعر عاش عمره بحسرة العوز
وشاعر بالترف من عاش عمره
شوف انت الفرق مابين الاثنين
ياشاعر تحس من تقره شعره
دكَ العوز بابي وبيهه جوعان
وبيتي من الاكل خالص رصيده
ساعتهه حرت بس هسه شبعان
من جرني القلم رايد قصيده
انه لومي اعله القدر عرفني بيك
خله جدمي وجدمك بنفس الدرب
معركتي وياك خسرانه أكيد
بس هيهات تحتلني و آنه اخسر حرب
من شفت الدمع سايح عله الخدين
اصدك مااصدك دمع بجــــفونك
طلع كلبك ثلج وانصهرمن الشوك
ذاب من الخجل واستقر بعيونك
ما نايم امس بس احلمت بيك
امل صرت ابحياتي وحلم مو عادي
امس عينك إمام ورمشك الشباج
واتمنة اوصلك حتة اخذ امرادي
من شفت الدمع سايح عله الخدين
اصدك مااصدك دمع بجــــفونك
طلع كلبك ثلج وانصهرمن الشوك
ذاب من الخجل واستقر بعيونك
منك ما ردت بس كلي مشتاق
واذا كتلي احبك خو زياده
واذا كتلي اريد املك الكون
واعبدك لو كلت بوسه عباده
خليتك حلم وعيوني ترسم بيك
وغير عيوني محد يكدر يرسمك
وندهوني شكثر بسمي وجنت ناسيه
وكلتلهم نعم من صاحوا باسمك
أغار إعليك من كلبي والعيون
لذلك آنه حاير وين أشيلك
وحقي ماأجيلك آنه معذور
أغار إعليك مني وماأجيلك
الجمال البيك دايخ هو بيك
ويمكن إيدك تخدر أمن تكض اديك
إنت ربك خالقك فد شكل خاص
يمكن إمسويك إله إيعاين عليك
أبطولة أحله واحد إحنه فوزناك
بطل تستاهل إنت الكاس جا كوه
لأن ياهو اليشوفك كال هذا يفوز
والماشايفك هم كال إي هو
إنت بعيوني وبعدني أبجي عليك
شلون لو يوم إطلعت من عيني
من كثر حبك دخت كلش بحيث
إنت أندلك وادور ويني ...
اشوفج مو مثل ماشوف كل الناس
لان دقة جمالج عالارض تحفة
احذرج وحدج بالغرفة لتكعدين
بس تصفن الحسنج توكع الغرفة
موبيدي الوكت حد سنه وياي
وعلى ظهري تدك كل السجاجين
سجاجين الوكت ماهمن جلاي
اخوتي وربعي صارولي السجاجين
احتاجيتك اخو واصير الية ذراع
وكلت احزام ضهري بساعة الشدة
ولمن زاد حملي وصحت يا ناس
اول واحـــــــــــــــــد اتبريت انت
طحت مغدور وانت عيونك اشوف
وظل بية نفس جيت وكتمتة
تظل انته الهوه واتنفسك دوم
ودنيانه حبيبي انته شمسهه
گبال المرايه تتعدل الناس
والمرايه گبالك تعدل نفسهه
نقره الممحي گمنه وكلشي گمنه نشوف
طلّعنه الشمس وإنكشفت اللعبه
أمي وعالمتن حطوله نجمه شلون
إذا مايكتب اسمه الوطن شيكتبه
لحيت اعله ابويه وكَتله بيع البيت
يمهم بيت بويه وخاف يتأجر
فرح والله ابويه وكَام ينطي اللوان
طلع حتى ابويه عليج هم يفتر
خطيه اعيوني شبكت حلمك بنوم
صحيت وردت افكهه امخيطه اخياط
نفط ودموع الك رشيت الهدوم
فرحني تعال بعود شخاط
ياملك ومسلطن بتاج الجمال
يالجمالك باعنه وبينه اشتره
من جمالك استحي ماطب عليك
ولو اجيك لوحدي هم الزم سره
بعدنه بالعراق وكمرك ايريدون
من نحجي عليهم لازم اندفعه
حصّتنه العراق وكلهه تنهش بيه
مو كلمن واخوته .. كلمن وربعه
ما ارفع خشم والبس اعمامة دين
خاف اتطيح غفله وتطلع الصلعه
رقيق انته وحلو شخصك يشفاف
يل عينك بحر وسهام رمشك
شما وصفك حبيبي مقصر وياك
اذا حظنك الك رايد يحظنك
تعال بكل وكت تلكاني موجود
بس كونك تجي مو ماتجيني
واذا ماجيتني هم تنحسب جاي
لان موجود انتة بوسط عيني
كون ايصير كلشي بعمري مكَلوب
وارضة بكل شئ يطلع عن اصولة
كون اول حياتي الكبر والشيب
واخر لحظة من عمري الطفولة
أبعد ياحزن خليني مره ارتاح
خل مره بحياتي افرح بروحي
جبت اسنين عمري بس اصب دموع
أشل جروح غيري وأنزف جروحي
مسجون الصدكَ يا ناس تدرون
وخذوا كل چذب طلقوا سراحه
كل تعبان كَالوا يبقه تعبان
والمرتاح يحتاج استراحه
انته يل انواع بيك من الجمال
كَلي هم تنباع حته انه اشتريك
يم المراية الخلكَ توكَف تشوف
وانته المراية تجي تباوع عليك
لا تكَلي اهواك انه انساك اريد
واهلي ما احبك بعد وصوني
وانه احبك بس اشوفك من بعيد
ولذلك راح اشيل اعيوني
وصل حبي إلك حد ماهو معقول
بحيث اوياي إنت وآنه مشتاك
تشابكني وتشاقيني وأشاقيك
وأصيح الله وكبر بسك فراك
الحُــــــب يالوِلِف مو جلمة تنكَال
الحُــــــب عـاطفـة وتِمتلِـك كَـلبـك
واليـحبّــك تـعرفـة امـن التعـابيــر
مــو إلّــة يـكَلّـك .. آنـي أحبّـك
حبيبــــــي شأرد أوصفه امقَصّر وياه
جـمال ورِقّـة عندة وعـاطفـة وطـيب
الكَمر من شاف حِسنه إتغطّة بالغيم
لأن بس شوفـته إتـكَـل للكَُمَـر غيــب
عِفتني إلمَن حبيبي وعنّي رحت ابعيد
إبـوسط هـالناس أبد ما أشعُـر براحـة
تـعال إرجَـع يَعمري والـزعَل إنـساه
أنـة إبليّـاك طيـر وكسرو اجنـاحـة
رد مع اقتباس
تحياتي لك روعة مانقلت من ومضات غاية في الجمال