يا مطر بوس على كيفك
يا مطر حطني اعله صدرك
خلني ارضع من حليب الغيم عاداتك
ونجي زفة بلابل
إتغرد على التين فدوة
التين دومة التين عايل
وارد اغني الروح طير ..
وشاجله اجناحه المناجل
وارد اغني المطر فلني.. يمه توه المطر نازل
ويا مطر بوس على كيفك
كلبي كلي أحساب كل ألبوس واصل
يا مطر هدني أرد أنكرك وانته بالغيمة
واطيرلك حمر
لا خالي جيكيات اطيرلك زواجل
وبالسمه نكلب فرح نكلب غرام
ديچ ينده ديچ... طيره إتفلي طيره
ويا حلاة البوس فوك البوس والدنيه مطيرة
إنبشر الطيبين يمعودين
رد إلنه مطرنه الغاب عنه
إركص إركص يامطرنه إركص وزخلنه محنه
موفق محمد
رد مع اقتباس
