هنا

[المستشار القانوني]

…………… الحب الاول………….
عليچ. احله القوافي امفصلات افصال
عله اشفافچ شعر محلاه تنشدينه

جورية حدائق يطش عطرچ دوم
يشم بيچ الورد حين التشمينه

عذوبة ماي صافي ابلهب حر الصيف
غصن عطشان گلبي انتي التروينه

حلم گبل الفجر ويدغدغ العينين
نامي اوياه اوبالچ لا تگعدينه

بغداد العزيزه انتي ام الخير
يا اجمل لحن وأنتي التغنينه

مشتاقين نگعد عالشواطي ابليل
موال الفرح ابصوتچ تجرينه

اونسكر من هواچ العذب يابغداد
اوبفراحچ نريد اتجر صوانينه

عله دجله سوه نگعد إلآخر ليل
ونوصي الحمد ونگله ردينه

خل ريلك يصيح ايفزز الغافين
اورمضانك يدگ بيه طبل ماجينه

خل فيروز ترجع للصباح اردود
اوعله بغداد تطرب حلوه اغانينه

اوعله بغداد تطرب حلوه اغانينه

ب..ق عبدالامير البديري

[ايليتا]

الله... الله.. لله درك للانتقاء
بغداد الهوى والعشق الازلي
ربي يحفظها هي واهلها
ويجعلها دار السلام