هيَّ بمواضيعي الوحيـــدة
مدري شـﭼـان موضوعي بوكتها ..
ولو هيَّ بمواضيعي الوحيـــدة
ردت أكتب قصيدة وزاعلتها
لا وكتّج ولا وكت القصيــدة
زعلت بس اعرف مكابرتها ..
وإلّا شجابها بـدربي العنيدة
من نتلاگى وتطخ صاحبتها
وضحت مثل عنوان الجريدة
الحاصل طالت الغيبة شفتها
وتحققلي حلم ما جنت أريده
يمي عيونها وما فسرتها
تغوّش مثل الوجوه البعيدة
بقت شغلة نسيت وما گلتها
تريد تعوفني بحظها وبختها
انا رجلُ النهايات السعيدة
الطير شوكت ما يعجبني أصيده
عبالها حــﭼـايّة وگلتها
ترى ما هامنّي أحد يالبعيدة
جگارة و وين ماكملها أزتّها
على طاري ردت اكتب قصيدة
كملت القصيدة..وشگگتها ..
ومدري شـﭼـان موضوعي بوكتها ..
عبد الرحمن الدوخي
رد مع اقتباس
