الكرامة؟
لا تعرف التدرج فأما أن تكون واقفاً أو زاحفا تشبه الزجاج لا تقبل الخدش فإذا خُدشت فقدت صفاؤها وإذا كُسرت لا تعود كما كانت
#غضيب92
#من_طشار_العمر..!!#غضيب92
بايأم النظام السابق ...چنه اي غريب يسأل عن صديق النه بالمنطقه يعني هذا بالأمن او بعثي وجاي يجمع معلومات عل صاحبنه ،،فرد يوم اجوي اثنين لابسين #سفاري وسألوني عل صاحبي #صويلح ..،، شلونه اخلاقه وين يلتقي ومن هل اسئله،…انه بصراحه خفت كلت ذولي سالفتهم مووش خاليه وراهم شي واكيد بالامن ،، خوما اگلهم يصلي ويصوم وحباب ومخلصها زيارات حتى #ياخذوه ..،فگلتلهم ..اوووووه هذا اربعه وعشرين ساعه بطله بيده وسكران ويدور نسوان ومخلصها ماخذ هذي ومرجع ذيچ وكل خير مابيه وصراف اكشر ومطلوب ميتين دينار. گول راحو الجماعه وانه هماتين رحت وضميري مرتاح لان سويت زين .وره يومين اجاني صويلح الدنيه طالعه من عينه ،،ها خويه صويلح خيرك ؟ اشوفك اليوم كلش ضايج ؟ گال ..اسكت عني لا اكفر بيك ؟ ها ؟ ولك شمالك سولفلي ؟ ولك عموري ، شسولفلك يخويه .حبيتلي بنيه وخطبتها وگالو اهلها انتظرنه يومين اثاري جايين اخوتها سائلين عني بالمنطقه ومدري يامنعول والدين مطلعني كاولي وسرسي گدامهم واذا الگفه هسه ،،،ومحمد الا انعنعه بهاي التوثيه بــع.... وأنعل والديه…!! انه من يمي صحت اخ
ليش نوري باشا ما كان محبوب من قبل الناس
نعم يهابوه ويحترموه ويعرفون قدره
لكن ميحبوه والبعض يشتموه
السبب : بصراحه لانه كان رجل دوله حقيقي لاخر يوم بعمره ميقبل يدخل النفط بالميزانيه رأيه الاعتماد على النفط مدمر للدوله ومخدر للعقل والعمل والبناء .. بدل ميكون المواطن مورد الدوله وثروتها حيكون عاله عليها
هدفه الاعتماد الذاتي وابعاد الدخل الريعي
أنتبه حتى من دخلت الثروات بالخمسينات اصر على ابعادها عن الميزانيه وكانت للأعمار حصرا وتأسيس مجلس الاعمار
أصر ان يكون للدوله مجلسان : دوله مواردها يديرها مجلس وزراء .. واعمار باموال النفط يديرها مجلس اعمار
ماكان يوزع بيوت بلاش .. كل مدينه سكنيه اسست تسدد اقيام بيوتها اقساط (حتى يبني بيوت جديدة ومدن جديدة من هاي الاقساط )
ماكان يوزع اراضي بلاشالارض للاستثمار الزراعي تستلم ارض تتعهد بالانتاج ..
تعليم رصين وصارم ..
الاستحقاق حسب الكفاءه والشهاده .. تعليم او عمل او بعثات او موارد
المجتمع بعضه ميحب القيود والنظام الصارم والعمل ..
الى ان صار الانقلاب
الناس حبت الاعتماد على النفط تماما والنجاح بلا امتحان وضرب الاغنياء والارض بلا زراعه والارض والدار مجانا وهنا اصبح المواطن عاله على الدوله بعد مكان مورد ميزانيتها وتوقف كل شي لاحقا ..
الناس اعتقدت ان هذا هو يوم سعدها وعبد الكريم قاسم هو مخلصها
هنا الجمهوريات عسكر كلوله للمواطن ليش كاعد عيوني حتى الحبوب والزراعه بدل ما كنت تصدرها استوردنالكياها
تعال حارب .. شوفلك شغله لتبقه شعارات واحزاب وترجعلنا تدور كرسي .. امشي للحرب
وبدت حرب الشمال 1961 وحتى توكف صارت اتفاقية الجزائر وحتى تلغيها بدت حرب 1980-1988 وحتى توكف بدت حرب 1990-1991 وحتى توكف حصار واستنزاف 1991-1996 حتى وصلنا الى عام 2003
ماكو شي صدفة
وماكو تصرف مابي تداعيات
عبالك الكعده ببلاش .. وعبالك بهل سهولة تصرف فلوس النفط وتاخذ منح وتكعد تهوس شعارات
لا عزيزي الكرسي غالي جدا جدا جدا
مليون رحمه لروحك باشا
رد مع اقتباس
