حمد شو كبرن اعيونك!!_حسين الساعدي
حمد من كبرن اعيونك
شو زغرت ماعونك!
جنك مو حمدنه الجان.. طير الحب يسمونك
جنت ابلهفة المشتاك ,
تركض لليحبونك!!
هسه بس تهز الراس,, إذا كالولك اشلونك!
لأن منشغل بالشدات,,,
تحسبهن يشوفونك!
خاف اترد سلام الناس,, وبحسابك يغلطونك!
غشمه الصعدوك ابصوت,,
ناقص
ما يظنونك!
كمت اتشوف ماتنشاف,
امضلل جامك وخواف,
وانته الجنت
ظلمه وليل
والريل اليهابونك....
حمد جا بيش احلفنك!! تبعد عنهم اظعونك!
وانت اقسمت بالقران,,, وغدريت اليريدونك!
لتخلي الهموم اتزيد!
بالجكساره روح ابعيد
لان بس ترجع ابتكتك ,,,, ماراحوا يصدكونك!
حمد من ترجع
اتأذي اليعرفونك!
بعد مابيك ريحة هيل,,, بس دخانك ابلونك!
مايسهر عليك الليل ,, شاف الدغش بظنونك!
لا دك اكهوه لا ريل ,,,لا عاشك ينطرونك!
شلعوا سجة التوصيل!! خاطر ما يلاكونك!!
لأن صاروا
يكرهونك!!
حمد يلفاكد الاحساس
والعباس
هسه الناس,,
عليك ايسولفون أشكال! واسمعهم يسبونك.
وتستاهل يسبونك,
حسين االساعدي
رد مع اقتباس
المشاركة الأصلية كتبت بواسطة وُٺہيِّنِ ﮩ
