قصتي المرعبة مع جن القطة البيضاء
السلام عليكم بالبدايه اني اسمي حسين علي نزر من بغداد مواليد 2007 عمري حاليا 15 سنه والقصه صارت وياي ب2012 او ب 2013 ما أتذكر بلضبط بس الاحداث.تبدأ القصه يوم من الأيام جنت نايم ويه اخوي الجبير وابن عمي الجبير بالكيليدور وجان بصف الكليدور كنتور قديم بي غراض المهم فزيت الصبح واني نايم على جهه اليسره اليصير الكنتور اكبالي واني اباوع انتبهت اكو بزونه بيضاء جوه الكنتور ضليت اباوع عليها وهيه تباوع عليه واباوع بعيونها وصافنه عليه وصافن عليها وبعد فتره بسيطه البزونه راحت واني كمت من مكاني نزلت جوه لبيت عمي الثاني (لين احنه جنه 3 عوائل بيت واحد) وكعدت بالاستقبال وحدي لفتره معينه وبديت أحس أكو مثل الشعر على وجهي حاولت افرك وجهي ماراح فدشي مثل رجلين العنكبوت يحك وجهي تضايقت ورحت اغسل وجهي بماي وصابون وهم مافاد الى أن تطور الأمر وبديت أشوف 2 من الجن صغار على شكل كرات صغار بيهن شعر وصايرات شفافات ممبينات ملامحهن وهاذ أقرب وصف اكدر اوصف الهن
وجانن يطيرن ويمشن بالكاع من شفتهن كم اصيح وابجي وكعدت ماما وكتلها جاي اشوف2 من الجن بسبب البزونه فحضرتلي ماي بطشت وترب مال صلاه وسبحتني هيه وبيبيتي ام ابوي الله يرحمها بس مافاد وضليت أشوفهن لحد ما أجت امي وبدت تقرا عليه قرأن شفت ذوله الجن بده يختفي ويتوهج بلون بنفسجي او هيج شي وصدك بعد فتره من قرأت القرأن كمت ما أشوفهم ورجعت لحياتي الطبيعيه والحمدلله تخلصت منهم.وهاي أول أعرف أنو الجن مو بس يتلبس القطط السوداء يعني حتى البيض يتلبسهن. المهم هاي قصتي حقيقيه صارت وي الجن والحمدلله على كل حال
رد مع اقتباس
