هنا

[دُعےـــآء]

.

واحد يگول چنت متزوج واكره زوجتي وماچنت اطيق وجودها بالبيت وجنت دائما انتظرها تروح بيت اهلها علمود ارتاح منها وابقى بالبيت وحدي وهي چانت مامقصرة وياي وتحبني وتهتم بيه، بس انا مع ذلك ماچنت احبها وچنت اتعارك وياها دائما،واحب اضايقها وفي يوم من الايام گالت راح اروح بيت اهلي اني فرحت هواي لان گالت اروح بيت اهلي،
وبعدها گالت حبيبي انت منو يهتم بيك ومنو يغسل ملابسك لما اروح بيت اهلي، واني اگول الها روحي انا اكمل كل شي احتاجه (بس اريد اخلص منها بالمختصر المهم قبل لا تطلع من البيت التفتت علي وحضنتني وحسيت بحضنها، وحسيت اكو شي بداخلي تحرك شي بداخل گلبي ومع ذلك ماأهتميت بعد شويه دگ تلفوني وگالو انت فلان كلت اي اني !
گالو تعال للمستشفى بنتك توفت بحادث!!
اني انصدمت ماعندي بنت!!
رحت للمستشفى لگيت زوجتي صدمتها سيارة وماتت، وبعدها گلولي انت ابوها ؟ گلت: لا اني زوجها وشفت تليفونها لگيتها مسميتني (بابا)من كثر حبها الي اني چنت الها كلشي …

ومن يومها اني عرفت قيمتها وحلفت ماازوج بعدها وكل شوي اتصل على تليفونها واشوف اسمي بتليفونها (بابا) وابچي بحرگة

العبرة هنا

محد يحس بالنعمة الا لمن يفقدها
العمر قصير ديرو بالكم على زوجاتكم


ـــــــــــــــــــــــــ ـ

اللي مايتأثر ويبچي هذا ماعنده ذرة مشاعير واحاسيس

[دُعےـــآء]

رحم الله والديه اللي يدز رابط الموضوع لمحمد وانه راح اغير اسمه بالموبايل أسميه بابا

[sawsanmahmoud]

قصة مؤثرة ومعبرة
مع الأسف لا يشعر بالنعمة حقًا إلا من فقدها

شكراً دعاء

[الرميثي]

والله اني ما ماخذ بالي من تلفونها
شنو كاتبة اسمي
بس ما معقولة كاتبة اسمي بابا
لان البابا بعد لحد الان عايش هوة والماما
شكرا ام عباس لان نبهتيني

[❀ نبتة النرجس ❀]

قصة مؤثرة ،،نحمد الله على النعمة يلي عطانا وياها ،، لأنة أجي يوم أنت تفقد هالنعمة تندم طول العمر
تسلمين على القصة الجميلة
موفقة

[دُعےـــآء]

قصة مؤثرة ومعبرة
مع الأسف لا يشعر بالنعمة حقًا إلا من فقدها

شكراً دعاء

حبيبتي سوسن الحمد لله على كل حال
مرات الانسان يكون غافل عن النِعم اللي هو بيها
سواء كانت العائلة او الصحة والعافية او الرزق والامان .. الا لا سامح الله يفقدها راح وكتها يستشعر قيمتها ويتندم ..

شكرا لج حبيبتي

[ايليتا]

الاب ... لا مثيل له
اي درجة كان قريب الروح حتى تناديه بهذا الاسم.. ان أول شعور بالطمأنينه يكون بين ذراعي الاب هو الاحتواء وبالاخص من يشعر بقيمة البنت ويراعيها
لا أعلم لما لم اعد اشفق على هكذا اشخاص
فقد نعمة من حياته لم يستحقها
احسنتي المشاركة

[ȺӀì βąҍӀì]

اصلا اني عندي كمية المشاعير
كامت تنزل مثل المطر

دعاء

[دُعےـــآء]

والله اني ما ماخذ بالي من تلفونها
شنو كاتبة اسمي
بس ما معقولة كاتبة اسمي بابا
لان البابا بعد لحد الان عايش هوة والماما
شكرا ام عباس لان نبهتيني

العفو اخي الرميثي .. مية هلا

[bleak]

لمن راحت من ايده ياله حس :(

مؤثره جداً ... شكرا