أكو واحد أخوه صار ثكيل..
گلتله زوجته ليش ما تروح لأخوك الثكيل بلكي يساعدك بكم فلس ندبر بيها امورنا الى ان الله يفرجها..
فراحله گله انت تدري اني حالتي تعبانة واريد تساعدني، گله ميخالف مرلي باچر للمكتب ويصير خير .. فراحله ثاني يوم ورحب بيه وگله انت اگعد ولتحچي اي شي ابقى ساكت بس اني احچي.
الثكيل اتصل بأحد المقاولين گله هذا المجمع السكني اللي وعدتك بي للأسف رسى على مقاول ثاني .. فگله شلون سيادة مو انته وعدتني بي واني مرتب وضعي عليه..
گله ميخالف هسه المقاول الثاني موجود يمي تعال وتفاهم وياه بلكي يعوفة الك ..
اجى المقاول فگال لأخو الثكيل شگد تريد وتعوف المجمع؟
اخو الثكيل گاعد مثل الأطرش بالزفة!!
فحچى الثكيل گله انطيه 3 مليارات دينار وهو يعوفها ..
گال صار يدلل وراح للسيارة جاب 3 مليارات وخلاهن على الميز وطلع..
أخذ الثكيل مليارين وانطى أخوه مليار وگله روح مشي امورك بهالفلوس وميكون خاطرك الا طيب
لمن رجع للبيت سألته زوجته ها بشّر؟
گللها لا حول ولا قوة الا بالله.. شنو هاي الناس ..شنو هالبوك! شلون بعد الله يرضى علينا!!
گلتله خير شكو شصار ؟
گللها هذا اخويه الثكيل باگ من عندي مليارين عيني عينك
المشاركة الأصلية كتبت بواسطة ahmed.dh
