(امثال شعبية )
(هي مو رمانـة بس الگلـوب مليانـة)
اليوم مثلنا باللهجة البغدادية
يگولك
فد بنية اسمها فخرية تزوجت وعاشت ويه عمتها أم رجلها بنفس البيت
وچان بيناتهم يومية قارش وارش .. عمتها كلسع تدعبل للچنة فد حجاية تخليها تشوط وصارتلك العيشة متنجرع
بس بقت ساكتة لأن حامل..
وتوحـمت على الرمان وبوكتها مو موسمه وظلت تلوب عالرمان
راح رجلها يدور بالسوك ويسأل فلان وفستكان بالگوة جاب رمانة وحدة !
وفخرية نشنشت من الفرحة وتملكـها الإحساس بالعظمـة وتباوع لعمتها صفح ورافعة تك حاجب يعني عود باوعيني شلون ابنج ميرفضلي طلب ويموت عليه
گامت للمطبخ ورجعت شافت عمتها دتاكل بالرمانة
ودتمطك !
تخبلت طبگت الفيوزات وگمزت على عمتها وتكافشو
مخلو چلاليق وعض ويعيطن صاحن الداد :
_ يبااااوووو اكلتي رمانتي حتطلع طگعة بوجه الجاهل من عاب هيچ بيبي
_ بومة من قزالقط انتي وياه يباااووووو
الجوارين اجوي يتراكضون ديفاككون المالخ مالتهم
كالت جوارينهم تحاول تهدئتها :
_ شجاكم كل هـالعياط علمود رمانة ؟!!
جاوبتها فخرية :
(مو من الرمانة بس الگلـوب مليانة)
يگولك فصار هذا مثل شعبي
وسلامتكم
منقول
رد مع اقتباس
وصدك القلوب مليانه 
المشاركة الأصلية كتبت بواسطة ملـگة
